د لوګر د پوهنې لنډ راپور

پل علم
د لوګر د پوهنې ریاست د ویاند دفتر
دوشنبې، رمضان المبارک ۲۶ مه، حمل ۲۸ مه

د لوګر ولایت په شته ۲۷۵ ښوونځیو کې درسونه ښه پرمخ روان دي او هم په ټولو درسي ساعتونو کې يې ښوونکي منظمه حاضري ورکوي.

د لوګر د مرکز او ولسوالیو د پوهنې آمریتونو د راپورونو له مخې، چې په ښوونځیو کې ښه درسونه موجود دي، ښوونکي هم زده کوونکو ته ښه درسونه ورکوي او شاګردان هم په ډېرې لېوالتیا سره خپلو درسونو ته حاضریږي.

د لوګر یوه منځني ښوونځي ؛ لېسې ته ارتقا وکړ٠

پل علم
د لوګر د پوهنې ریاست د ویاند دفتر
پنجشنبې، رمضان المبارک ۲۲ مه، حمل ۲۴ مه

د لوګر ولایت په مرکز پل علم پورې اړوند د کمال خیلو د هلکانو منځني ښوونځي د لېسې کچې ته ارتقا وکړ.

نوموړی ښوونځی پر ۱۳۷۹ لمریز کال تاسیس شوی، چې په کې د ۶۷۷ په شاوخوا کې زده کوونکي پر زده کړو بوخت دي.

د لوګر په څرخ ولسوالۍ کې خلکو په خپلو شخصي پیسو ښوونځي ته ځمکه واخیسته.

پل علم
د لوګر د پوهنې ریاست د ویاند دفتر
یکشنبې، رمضان المبارک ۱۸ مه، حمل ۲۰ مه

د لوګر د څرخ ولسوالۍ د بنډوکه ګرمابه کلي اوسېدونکو په خپلو شخصي پیسو د نجونو د یوه ښوونځي جوړولو لپاره ۱۳ بسوې ځمکه واخیسته.

یاده ځمکه خلکو په خپله خوښه ؛ د ګرمابه د نجونو منځني ښوونځي ته د څه باندې یو نیم میلیون افغانیو په بدل کې اخېستې ده.
د اخیستل شوې ځمکې قباله د یادې سیمې قومي مشرانو د پوهنې آمریت ته سپارلې ده څو نوموړي ښوونځي ته پرې ودانۍ جوړه شي.

43 دعا از قرآن و 79 دعا از سنت

برای خواندن کتاب اینجا کلیک کنید!

د لوګر ښوونځیو ته د درسي کتابونو وېش پیل شو.

پل علم
د لوګر د پوهنې ریاست د ویاند دفتر
شنبې، رمضان المبارک ۱۸ مه، حمل ۲۰ مه

د لوګر ولایت د مرکز او ولسوالیو پر ۲۷۵ ښوونځیو د ښوونیز نصاب د نوېو چاپ شوېو درسي کتابونو د وېش بهیر پیل شو.

د یاد بهیر د پرانیستنې په مراسمو کې د پوهنې سرپرست او تدریسي مرستیال مولوي عبیدالله هشام او د پوهنې وزارت د نشراتو او عامه اړیکو ریاست استازو ګډون کړی وو.

په لوګر کې له ۱۳ دیني مدرسو سره د خوراکي موادو وشوه.

پل علم
د لوګر د پوهنې ریاست د ویاند دفتر
شنبې، رمضان المبارک ۱۸ مه، حمل ۲۰ مه

د لوګر ولایت د برکي برک ولسوالۍ له ۱۳ لیلیه لرونکو دیني مدرسو سره د یوه خیریه بنسټ له لوري د خوراکي توکو مرسته وشوه.

یاده مرسته د پوهنې له آمریت سره په همغږۍ د حضرت عمر فاروق (رض) خیریه بنسټ د لوی خدای (ج) د رضا او ثواب حاصلولو په موخه کړې ده.

په لوګر کې یوه ځوان ۷۰۰ زده کوونکو ته په وړیا ډول یو کلن ښوونیز پروګرام پیل کړ.

پل علم
د لوګر د پوهنې ریاست د ویاند دفتر
شنبې، رمضان المبارک ۱۸ مه، حمل ۲۰ مه

د لوګر د مرکز پل علم اړوند د غیرت آباد او بیدک په سیمو کې یوه ځوان په خپل شخصي لګښت ۷۰۰ زده کوونکو ته بیا ځلې د وړیا زده کړو یو کلن ښوونیز کورسونه پرانیستل.

د یادو کورسونو د پرانیستنې په مراسمو کې د مرکز پل علم د پوهنې آمریت د نظارت آمر انجینر اسدالله عباسي، ارواښاد حاجي منګل احمدزي خیریه بنسټ مسوولانو ، ګڼو دیني عالمانو، قومي مشرانو او زده کوونکو برخه اخېستې وه.

په لوګر کې د نظارت آمرانو او غړو د کاري پلانونو او راپورونو جوړولو د نوې طریقې روزنه تر لاسه کړه.

پل علم
د لوګر د پوهنې ریاست د ویاند دفتر
شنبې، رمضان المبارک ۱۸ مه، حمل ۲۰ مه

د لوګر د مرکز او ولسوالیو د پوهنې آمریتونو د نظارت آمرانو او غړو ته د میاشتني، ربعوار او کلني پلانونو او راپورونو د جوړولو او لیکلو د نوې طریقې روزنه ورکړل شوه.

دا روزنه د پوهنې ریاست د سمون او همغږۍ آمریت ورکړه، چې موخه یې د میاشتني، ربعوار او کلني کاري پلانونو او راپورونو د نوي فارمټ سره د هغوی بلدول وو.

په لوګر کې د یوه ښوونځي له ۱۵۰ غریبو زده کوونکو سره مرسته وشوه.

پل علم
د لوګر د پوهنې ریاست د ویاند دفتر
پنجشنبې، رمضان المبارک ۱۵ مه ، حمل ۱۷ مه

د لوګر ولایت د مرکز پل علم اړوند د خواجه محمد اکبر خان د هلکانو د منځني ښوونځي له ۱۵۰ غریبو زده کوونکو سره د درسي موادو مرسته وشوه.

یاده مرسته د پوهنې ریاست او د پوهنې ښاري آمریت په پوره همغږۍ د خواجه محمد اکبر خان خیریه بنسټ زده کړو ته د زده کوونکو د لاهڅونې په موخه وکړه.

د لوګرپه جهادي مدرسه کې د نیالګیو کېنولو حشر وشو .

پل علم
د لوګر د پوهنې ریاست د ویاند دفتر
پنجشنبې، رمضان المبارک ۱۵ مه، حمل ۱۷ مه

د لوګر ولایت د جهادي دیني مدرسې مسوولانو ، استادانو او طالب العلمانو د نیالګیو کېنولو حشر ترسره کړ.

دغه حشر د پوهنې ریاست د مقام په لارښوونه پر لاره اچول شوی و، چې موخه یې د همدې دیني مدرسې چاپېریال شنه کول دي.

د لوګر د ښوونځیو له درسونو جدي څارنه کېږي.

پل علم
د لوګر د پوهنې ریاست د ویاند دفتر
چهار شنبې، رمضان المبارک ۱۴ مه ، حمل ۱۶ مه

نور انځورونه دلته وګورۍ

د لوګر ولایت په مرکز او ولسوالیو کې د ۲۷۵ حکومتي او ۲۴ خصوصي ښوونځیو د درسونو له بهیره په دقت سره څارنه کېږي.

یاده څارنه د پوهنې ریاست او د مرکز او ولسوالیو د پوهنې آمریتونو ګډ نظارتي ټیمونه چې د نظارت مسلکي غړي دي کوي.

په لوګر کې ۱۲۰ نجونو د محمدي دارالعلوم لپاره د داخلې ازموینه ورکړه.

پل علم
د لوګر د پوهنې ریاست د ویاند دفتر
دوشنبې، رمضان المبارک ۱۲ مه، حمل ۱۴ مه

د لوګر ولایت د پوهنې ریاست د بېلا بېلو لېسو له دولسم ټولګي ۱۲۰ فارغو نجونو څخه د محمدي عالي دارالعلوم ته د داخلې ازموینه واخېسته

دا ازموینه د پوهنې وزارت د اسلامي زده کړو معینیت د لارښوونې له مخې په یاد دارالعلوم کې د نجونو د جذب او هم دوی ته د دیني زده کړو د زمینې برابرولو په موخه واخېستل شوه.

په لوګر کې ۱۸۱ تنو نجونو د محمدي عالي دارالعلوم ته د شمولیت ازموینه ورکړه.

پل علم
د لوګر د پوهنې ریاست د ویاند دفتر
یکشنبې، رمضان المبارک ۱۱ مه، حمل ۱۳ مه

د لوګر په محمدآغې ولسوالۍ کې د دولسمو ټولګیو له ۱۸۱ تنو فارغو شوېو نجونو څخه د محمدي عالي دارالعلوم لپاره د شمولیت ازموینه واخېستل شوه.

یاده ازموینه د پوهنې وزارت د اسلامي زده کړو معینیت د لارښوونې له مخې واخېستل شوه، چې د ازموینې ټولې ګډون والې د تېرو څو کلونو د دولسمو ټولګیو فارغینې وې.

د لوګر په ښوونځیو کې درسونه په منظم ډول روان دي.

پل علم
د لوګر د پوهنې ریاست د ویاند دفتر
شنبې، رمضان المبارک ۱۰ مه، حمل ۱۲ مه

نور انځورونه دلته وګورۍ

	,,

د لوګر د مرکز او ولسوالیو په ۲۷۵ ښوونځیو کې د زده کړو بهیر په نور مال ډول روان دی او په عملي ډول زده کوونکو ته په کې درسونه ورکول کېږي.

د نوي ښوونیز کال په پیل سره سم په یادو ټولو ښوونځیو کې د درسونو پیل ته بشپړ چمتوالی نیول شوی، چې له مخې یې درسونه په عادي بڼه روان دي.

د لوګر د څرخ ولسوالۍ د پوهنې له آمریت سره د نیالګیو مرسته وشوه.

پل علم
د لوګر د پوهنې ریاست د ویاند دفتر
چهارشنبې، رمضان المبارک ۷ مه، حمل ۹ مه

د لوګر ولایت د څرخ ولسوالۍ د پوهنې له آمریت سره د یوه ښوونځي مدیر د دولس سوه زردالو نیالګیو مرسته وکړه.

دغه مرسته د همای د منځني ښوونځي مدیر عبدالمبین د دیني مدرسو او ښوونځیو د چاپېریال د زرغونولو لپاره کړې ده، چې شاوخوا شپېته زره افغانۍ ارزښت لري.

د لوګر د پوهنې ریاست خبرتیا

د لوګر د پوهنې ریاست خبرتیا

د لوګر د پوهنې ریاست خبرتیا

د لوګر د پوهنې ریاست خبرتیا

د لوګر ځینو ودانۍ نه لرونکو ښوونځیو ته د خیمو وېش پیل شو.

پل علم
د لوګر د پوهنې ریاست د ویاند دفتر
چهار شنبې، شعبان المعظم ۲۹ مه، حمل ۲ مه

د لوګر ولایت د مرکز او ولسوالیو یو شمېر ودانۍ او سرپناه نه لرونکو ښوونځیو ته د عصري او مجهزو خیمو وېش پیل شو .

دا خیمې،چې شمېر یې ۷۶ ته رسیږي د ملګرو ملتونو د ماشومانو د ملاتړ صندوق ( یونیسف) مرسته شوې خیمې دي.

یادې خیمې هغو ښوونځیو ته ورکول کېږي، چې ودانۍ او سرپناه نه لري او په آزاده فضا کې زده کوونکي یې زده کړې کوي.

دغه ټولې خیمې ۲۴ متر مربع دي، شاوخوا ۹۸ زره او ۸۰۰ امریکایي ډالره ارزښت لري، چې د یوه ټولګي زده‌کوونکو ته بسنه کوي.