افتتاح کتاره های فلزی اطراف پارک سرک مقام ولایت

چهارشنبه۳ثور ۴ ذوالقعده

در محفلی که قبل از ظهر امروز به همین منظور از سوی ریاست شاروالی پل علم دایر گردیده بود در آن مو.لوی عنایت الله شجاع معاون مقام ولایت، مو.لوی میرویس واحیدالله رئیس دفتر مقام ولایت، مو.لوی محمد اسحق سعید شاروال پل علم، مولوی رفیع الله صمیم رئیس اطلاعات و فرهنگ ولایت لوگر، کارمندان شاروالی پل علم، رسانه ها و جمع کثیری از شهروندان اشتراک داشتند.

د پوهنې وزارت یو لوړ پوړی پلاوی د لوګر د خلکو پوهنېزې غوښتنې او ستونزې څیړي.

پل علم
د لوګر د پوهنې ریاست د ویاند دفتر
چهارشنبې، دوالقعدې ۴ مه، جوزا ۳ مه

د پوهنې وزارت د ښوونې او روزنې معین ښاغلی مولوي سخاء الله سعید لوګر ته راغلی او په ښوونیز ډګر کې د خلکو غوښتنې او ستونزې څیړي.

نوموړی له څلورو ورځو راپدېخوا د پوهنې وزارت د مقام په لارښوونه لوګر ته را ستون شوی ، ولسوالۍ په ولسوالۍ،کلی په کلی ګرځي ، له دیني عالمانو ، قومي مشرانو او عامو خلکو سره لیده کاته کوي.

د لوګر په ټولو ۳۵۴ تعلیمي نهادونو کې د زده کوونکو سرشمېرنه پیل شوه.

پل علم
د لوګر د پوهنې ریاست د ویاند دفتر
سې شنبې، ذوالقعدې ۳ مه، جوزا ۲ مه

د لوګر ولایت د پوهنې ریاست په خپلو اړوندو ۳۵۴ حکومتي او خصوصي تعلیمي نهادونو کې د زده کوونکو د سرشمېرنې پروسه پیل کړه.

د یادې پروسې د پیل په مراسمو کې، چې د پوهنې ریاست د مقام په دفتر کې جوړه شوې وه د پوهنې رئیس ښاغلي مولوي جنت ګل عزیز په ګډون د پلان او راپور ورکولو مدیر محمد جمیل قبادي او د مرکز او ولسوالیو د پوهنې آمریتونو د نظارت آمرانو پکې برخه اخیستې وه.

په لوګر کې د نجونو یوه ښوونځي له زده کوونکو سره مرسته وشوه.

پل علم
د لوګر د پوهنې ریاست د ویاند دفتر
سې شنبې، ذوالقعدې ۳ مه، جوزا ۲ مه

د لوګر مرکز پل علم اړوند د هوني سیدانو د نجونو منځني ښوونځي له ۲۱۰ زده کوونکو سره د ښوونځي جامو، حجابو، درسي توکو او بوټانو مرسته وشوه.

دغه مرسته په کاناډا کې مېشت د پوهنې د یوه تن مینه وال انجینر محراب الدین احمد یار له خوا شوې ده، چې شاوخوا ۱۲۴ زره افغانۍ ارزښت لري.

د لوګر عالي دارالمعلمین لپاره ۲۶ نوي ښځینه مسلکي ښوونکې ګومارل کېږي.

پل علم
د لوګر د پوهنې ریاست د ویاند دفتر
دوشنبې، ذوالقعدې ۲ مه ، جوزا لومړۍ نېټه

د لوګر ولایت عالي دارالمعلمین ته د ۲۶ نوېو ښځینه قرار دادي مسلکي ښوونکو د ګومارنې په موخه ازموینه واخیستل شوه.

یاد ښوونکې د پوهنې ریاست د ښوونکو روزنې آمریت په غوښتنه،د پوهنې وزارت د هدایت له مخې د یونیسف په مالي ملاتړ مقرریږي.

په دې ازموینه کې له پوهنتونونو څخه ۴۰ فارغو شوېو د کدر نومرو لرونکو میرمنو ګډون کړی و،چې له ډلې به یې ۲۶ بریالۍ او د لوړو نومرو اخیستونکي مقررې شي.

د لوګر پر ۱۴۷ خصوصي دیني مدرسو د نغدي مرستو د وېش بهیر پیل شو.

پل علم
د لوګر د پوهنې ریاست د ویاند دفتر
شنبې، ذوالقعدې لومړی، ثور ۳۱ مه

د لوګر ولایت په مرکز پل علم او ولسوالیو کې پر ۱۴۷ لیلیه لرونکو مستحقو خصوصي دیني مدرسو د نغدي مرستو بهیر پیل شو.

په دې اړه جوړه شوې غونډه کې چې د ولایت په مقام کې جوړه شوې وه د پوهنې وزارت د ښوونې او روزنې معین الحاج مولوي سخاء الله سعید په ګډون والي مولوي عبدالعلي قدرت الله امیني ، د دفتر رئیس مولوي میرویس وحید الله ، د پوهنې رئیس مولوي جنت ګل عزیز او د پوهنې ریاست د اسلامي زده کړو مرستیال مفتي سید ضیاً الاحمد صارم احمدآغا په کې برخه اخیستې وه.

الحاج محمد شاه پیمان ته د مطبوعاتي فعالیتونو په ویاړ ستاینلیک ورکړل شو.

الحاج محمد شاه پیمان د افغانستان د ژورنالیستانو ملي اتحادیې له خوا په رسنیز ډګر کې د مطبوعاتي فعالیتونو د ترسره کولو له امله په ستاینلیک وستایل شو.

یاد ستاینلیک د لوګر لپاره د افغانستان د ژورنالیستانو د ملي اتحادیې مسوول موسی عدیل او د اطلاعاتو آمر امین الله صفا له خوا د پیمان خیریه بنسټ اداري مرستیال محمد شاه پور عرب ته سپارل شوی دی.

په ورکړل شوي ستاینلیک کې د افغانستان د ژورنالیستانو ملي اتحادیې په رسنیز ډګر کې د الحاج محمد شاه پیمان مطبوعاتي هلې ځلې ستایلې دي او د مطبوعاتو په برخه کې یې ده ته یې د لابریالیتوب هیله کړې ده.

د لوګر د پوهنې په ریاست کې د پوهنې سکتور اړوند ارګانونو د میاشتني حساب ورکونې غونډه جوړه شوه.

پل علم
د لوګر د پوهنې ریاست د ویاند دفتر
یکشنبې، شوال ۱۷ مه، ثور ۱۷ مه

د لوګر ولایت د پوهنې په ریاست کې د پوهنې سکتور اړوند ارګانونو د میاشتني حساب ورکولو غونډه ترسره شوه.

دغه غونډه د پوهنې او د پوهنې سکتور د عمومي رئیس مولوي جنت ګل عزیز په مشرۍ جوړه شوې وه،چې د پوهنې سکتور اړوند ارګانونو مسوولینو په کې برخه لرله.

د لوګر په ښوونځیو کې زده کوونکو ته د درسي کتابونو د ورکولو لړۍ پیل شوه.

پل علم
د لوګر د پوهنې ریاست د ویاند دفتر
شنبې، شوال ۱۶ مه، ثور ۱۶ مه

د لوګر ولایت د مرکز او ولسوالیو په شته ۲۷۵ ښوونځیو کې زرګونو زده کوونکو ته د درسي کتابونو د ورکولو پروسه پیل شوه.

یاده پروسه د پوهنې وزارت او د پوهنې ریاست د مسوولینو د لارښوونې له مخې پیل شوه، چې شاوخوا یوه اوونۍ به دوام ولري.

د لوګر ۱۴۰ اوسېدونکو لپاره زده کړو ته د ماشومانې د هڅونې او لاس رسي په موخه ورکشاپ پیل شو.

پل علم
د لوګر د پوهنې ریاست د ویاند دفتر
سې شنبې، شوال ۱۲ مه، ثور ۱۲ مه

د لوګر ولایت ۱۴۰ تنو اوسېدونکو لپاره زده کړو ته د ماشومانو د هڅونې او لاس رسي په موخه د عامه پوهاوي درې ورځنی روزنیز ورکشاپ پیل شو.

د یاد روزنیز پروګرام د پرانیستنې په مراسمو کې د پل علم د پوهنې آمر انجینر حبیب نور حیدري او له خطر سره مخ ماشومانو نړېوالې موسسې ولایتي مسوول سعدالله فطرت برخه اخیستې وه .

د لوګر په محمدآغې ولسوالۍ کې د نجونو زده کړو لپاره د محمدي عالي دارالعلوم څانګه پرانیستل شوه.

پل علم
د لوګر د پوهنې ریاست د ویاند دفتر
چهارشنبې، شوال ۱۳ مه، ثور ۱۳ مه

د لوګر ولایت د محمدآغې ولسوالۍ د سرخ آباد د نجونو په لېسه کې د نجونو د زده کړو لپاره د محمدي عالي دارالعلوم څانګه پرانیستل شوه.

د یادې څانګې د پرانیستنې په مراسمو کې د پوهنې ریاست د اسلامي زده کړو مرستیال او په دې ریاست کې د پوهنې وزارت د دعوت، ارشاد او شکایتونو اورېدو مسوول مفتي سید ضیاء احمد صارم احمدآغا، د پوهنې آمر مولوي عبدالله محمدي او په دې داراالعلوم کې شامل شویو نجونو برخه اخیستې وه.

په لوګر کې د زیري خصوصي ښوونځي اداري او تدریسي چارې وارزول شوې.

پل علم
د لوګر د پوهنې ریاست د ویاند دفتر
دوشنبې، شوال ۱۱ مه، ثور ۱۱ مه

د لوګر ولایت مرکز پل علم اړوند د پوهنې آمر انجینر حبیب نور حیدري له خوا د زیري خصوصي ښوونځي اداري او تدریسي چارې وارزول شوې.

نوموړی نن له غرمې مخکې یاد ښوونځی ته تللی و څو د دغه ښوونځي روان درسي بهیر له نږدې وګوري او هم د ښوونکو او زده کوونکو ستونزې ، غوښتنې او وړاندیزونه واوري.

د لوګر یوه زده کوونکي سیند ته د لوېدو په پېښه کې خپل ژوند له لاسه ورکړی دی.

پل علم
د لوګر د پوهنې ریاست د ویاند دفتر
یکشنبې، شوال ۱۰ مه، ثور ۱۰ مه

د لوګر د ازرې ولسوالۍ د رضاخیلو ښوونځي د پنځم ټولګي یو تن زده کوونکی صدیق الله سیند ته د لوېدو له امله په حق رسېدلی دی.

دا زده کوونکی وړمه ورځ د خپلې درملنې په موخه د ننګرهار مرکز جلال آباد ښار ته تللی و،چې بیا وروسته د چکر پر مهال د جلال آباد سیند ته غورځېدلی دی.

د لوګر په خروار ولسوالۍ کې یو نوی ښوونځی تاسیس شو.

پل علم
د لوګر د پوهنې ریاست د ویاند دفتر
یکشنبې، شوال ۱۰ مه، ثور ۱۰ مه

د لوګر د خروار ولسوالۍ د هیرګڼه په کلي کې د محمدي په نوم د هلکانو او نجونو یو نوی لومړنی ښوونځی تاسیس او د زده کوونکو پر مخ پرانیستل شو.

یاد ښوونځی د سیمې د اوسېدونکو په غوښتنه د پوهنې ریاست په وړاندیز او د پوهنې وزارت تر منظورۍ وروسته تاسیس شوی دی.

د لوګر د خوښۍ ولسوالۍ د پوهنې آمریت ته د نظارت نوی آمر معرفي شو.

پل علم
د لوګر د پوهنې ریاست د ویاند دفتر
شنبې، شوال ۹ مه، ثور ۹ مه

د لوګر ولایت د خوښۍ ولسوالۍ د پوهنې آمریت لپاره مولوي عنایت الله عادل د نظارت آمر په توګه معرفي شو.

د هغه د معرفي کولو په مراسمو کې تدریسي مرستیال مولوي عبیدالله هشام ، د ساینس او ټکنالوژۍ مرکز مسوول ښوونمل قاري محمد یعقوب اورمړ او د پوهنې آمر عبدالواحد زبیر برخه اخېستې وه.

د پل علم د پوهنې آمریت خپلو اړوندو ښوونځیو له مسوولینو سره د همغږۍ غونډه جوړه کړه.

پل علم
د لوګر د پوهنې ریاست د ویاند دفتر
شنبې، شوال ۹ مه، ثور ۹ مه

د لوګر ولایت مرکز پل علم د پوهنې ښاري آمر یت خپلو اړوندو ۹۱ حکومتي او خصوصي ښوونځیو له مسوولینو سره د همغږۍ غونډه جوړه کړه.

دا غونډه د پوهنې ریاست د غونډو په تالار کې جوړه شوې وه چې د پل علم د پوهنې آمر انجینر حبیب نور حیدري، د نظارت آمر انجینر اسدالله عباسي او په پل علم کې د شته د ۹۱ حکومتي او خصوصي ښوونځیو مسوولینو په کې ګډون کړی و.

د لوګر د پوهنې ریاست په نږدې ۷۸ زره ښوونکو او زده کوونکو درسي توکي وېشلي.

پل علم
د لوګر د پوهنې ریاست د ویاند دفتر
چهارشنبې، شوال ۶ مه، ثور ۶ مه

د لوګر ولایت د پوهنې ریاست د خپلو شته ۲۷۵ ښوونځیو پر ۲۳۰۴ ښوونکو او ۷۵۶۶۰ زده کوونکو درسي مواد وېشلي دي.

یاد وېشل شوي درسي مواد د یونیسف موسسې مرسته شوي درسي مواد دي چې شاوخوا ۳۵۸ زره امریکایي ډالره ارزښت لري.

د لوګر یوه ښوونځي ته د لمریزې برېښنا په مټ د اوبو ایستلو سیستم فعال شو.

پل علم
د لوګر د پوهنې ریاست د ویاند دفتر
سې شنبې، شوال ۵ مه، ثور ۵ مه

د لوګر د برکي برک ولسوالۍ د رستم خیلو د هلکانو لېسې ته د لمریزې برېښنا پر مټ له څاه څخه د اوبو ایستلو سیستم فعال شو.

یاد سیستم د پوهنې له آمریت سره په همغږۍ د ښوونځي ادارې په هلو ځلو د زده کوونکو د والدینو په مالي مرسته فعال شوی دی.

په لوګر کې د شهید الحاج غلام نبي سمسور لېسې ودانۍ ورغول شوه.

پل علم
د لوګر د پوهنې ریاست د ویاند دفتر
سې شنبې، شوال ۵ مه، ثور ۵ مه

د لوګر ولایت په مرکز پل علم پورې اړوند د شهید الحاج غلام نبي سمسور د هلکانو لېسې ودانۍ بېرته ورغول شوه.

د دغې لېسې ودانۍ د پوهنې ریاست د انجینرۍ مدیریت په همغږۍ د آی. آر. سي موسسې په مالي لګښت رغول شوې ده.
د بیا رغونې په دې چاره کې د ښوونځي ودانۍ ټولو برخو ته نوی رنګ ورکړل شوی او هم ټولې تخریب شوې برخې یې پلاستر او بېرته رغول شوې دي.

په لوګر کې د ۳۲ ښوونځیو د بیارغونې چارې پیل شوې.

پل علم
د لوګر د پوهنې ریاست د ویاند دفتر
سې شنبې، رمضان المبارک ۲۷ مه، حمل ۲۹ مه

په لوګر ولایت کې د تېرې شل کلنې جګړې پر مهال د ۳۲ زیانمن شویو ښوونځیو د ودانیو د بیارغونې چارې پیل شوې .

دغه ښوونځي د پوهنې ریاست د مسوولینو د نه ستړي کېدونکو هلو ځلو په پایله کې د انجینرۍ مدیریت په تفاهم او همغږۍ د آی. آر. سي موسسې د ۷۴ زره امریکایي ډالرو په لګښت بېرته رغول کېږي.