د لوګر د پوهنې ریاست د ۱۴۰۱ کال کاري ریپورټ.

د معلومات لپاره دلته کلیک وکړۍ

په لوګر کې نوی ښوونیز کال پیل شو.

پل علم
د لوګر د پوهنې ریاست د ویاند دفتر
سې شنبې، شعبان المعظم ۲۸ مه، حمل لومړۍ نېټه

په لوګر ولایت کې ۱۴۰۲ ښوونیز کال د خاصو شاندارو مراسمو په جوړولو او د ښوونځي د زنګ په کړنګولو سره رسماً پیل شو.
د نوي ښوونیز کال د پیل په مراسمو کې،چې د پوهنې ریاست د غونډو په تالار کې جوړه شوې وه په کې مرستیال والي مولوي عنایت الله شجاع،د پوهنې رئیس مولوي جنت ګل عزیز او د ده مرستیالانو، د یو شمېر ادارو مسوولینو، ځینو جیدو علماوو، د مرکز او ولسوالیو د پوهنې آمرانو، ښوونکو او زده کوونکو برخه اخیستې وه.

په لوګر کې ۱۵ تنه زده کوونکي د انګلیسې ژبې له کورس څخه فارغ شول.

پل علم
د لوګر د پوهنې ریاست د ویاند دفتر
سې شنبې، شعبان المعظم ۲۱ مه، کب ۲۳ مه

په لوګر ولایت کې د انګلیسي ژبې د زده کړې له یوه خصوصي کورس څخه ۱۵ تنه زده کوونکي فارغ او فراغت لیکونه ورکړل شول.
په یاده فراغت غونډه کې د پل علم د پوهنې آمر انجینر حبیب نور حیدري، د نوي مسلم د خصوصي کورس مسوولانو، استادانو، فارغو شویو زده کوونکو او د دوی کورنیو برخه اخیستې وه.

د لوګر د ازرې ولسوالۍ ۸۰ تنو ښوونکو ته روزنیز ورکشاپ پیل شو.

پل علم
د لوګر د پوهنې ریاست د ویاند دفتر
سې شنبې، شعبان المعظم ٢١مه، کب ٢٣ مه

د لوګر ولایت د ازرې ولسوالۍ د ۱۷ ښوونځیو ۸۰ تنو ښوونکو ته د پوهې د سطحې د لوړولو لس ورځنۍ روزنیز ورکشاپ پیل شو.

یاد ورکشاپ د پوهنې ریاست د ساینس او ښوونیزې ټکنالوژۍ مرکز جوړ کړی، چې موخه یې د ښوونځیو د تدریس کیفیت او هم د ښوونکو د پوهې د سطحې لوړول دي.

د لوګر د هلکانو په یوه لېسه کې د نیالګېو کېنولو کمپاین پیل شوی.

پل علم
د لوګر د پوهنې ریاست د ویاند دفتر
سې شنبې، شعبان المعظم ۲۱ مه، کب ۲۳ مه

د لوګر ولایت د مرکز پل علم اړوند د پادخواشانې د شهیدانو په لېسه کې د میوه لرونکو او غیر میوه لرونکو نیالګېو د کېنولو کمپاین پیل شوی دی .

په یاد ښوونځي کې د نېالګېو کېنولو په لاره اچول شوی کمپاین ؛ د پوهنې ریاست د لارښوونې له مخې ، د نوموړې لېسې د آمر خواجه سیف الرحمٰن په نوښت د ښوونکو، زده کوونکو او عامو خلکو له خوا پیل شوی دی.

په لوګر کې د سیمه ییزو ټولګیو ۱۷۶ تنو ښوونکو ته روزنیز ورکشاپ پیل شو.

پل علم
د لوګر د پوهنې ریاست د ویاند دفتر
دوشنبې، شعبان المعظم ۲۰ مه، کب ۲۲ مه

د لوګر ولایت په مرکز پل علم او څرخ ولسوالۍ کې د سیمه ییزو ټولګیو ۱۷۶ تنو نارینه ښوونکو ته لس ورځنۍ روزنیز ورکشاپ پیل شو.

یاد ورکشاپ د پوهنې ریاست په مشورې او همغږۍ د IRC موسسې له خوا جوړ شوی، چې موخه یې د ښوونکو د پوهې د سطحې لوړول دي.

د لوګر ۱۳۰ تنو ښوونکو ته په ښوونځیو کې د درسي کیفیت د لوړولو مسلکي روزنه تر لاسه کړه.

د لوګر د پوهنې ریاست د ویاند دفتر
یکشنبې، شعبان المعظم ۱۹ مه، کب ۲۱ مه

د لوګر ولایت ۱۳۰ تنو ښوونکو ته په ښوونځیو کې د زده کړې کیفیت او هم د پوهې د سطحې د لوړولو لس ورځنۍ مسلکي روزنه ورکړل شوه.

یاده روزنه د پوهنې ریاست د کاري پلان له مخې ؛ د یونیسف موسسې په مالي ملاتړ ورکړل شوې ده، چې موخه یې په ښوونځیو کې د درسي کیفیت او هم د ښوونکو د علمي او مسلکي وړتیاوو لوړول وو.

د لوګر د یو شمېر ښوونځیو ۱۳۰ ښوونکو ته د اغیزمنې ښوونې او زده کړې د ودې تر سرلیک لاندې د جوړ شوي شپږ ورځني روزنیز ورکشاپ انځوریز راپور

د لوګر په یوه ښوونځي کې خلکو، ښوونکو او زده کوونکو نیالګي کېنولي.

پل علم
د لوګر د پوهنې ریاست د ویاند دفتر
شنبې، شعبان المعظم ۱۸ مه، کب ۲۰ مه

د لوګر ولایت د برکي برک ولسوالۍ اړوند د پندې په ښوونځي کې د زرغونتیا او ښکلا لپاره ډول،ډول نیالګي کېنول شول .

یاد نیالګي د سیمې خلکو، ښوونکو او زده کوونکو کېنولي دي ، چې په کې د ګلانو، میوه لرونکو او غیر میوه لرونکو نیالګي شامل دي.

یونیسف د لوګر د ښوونځیو لپاره د درسي موادو مرسته وکړه.

پل علم
د لوګر د پوهنې ریاست د ویاند دفتر
پنجشنبې، شعبان المعظم ۱۶ مه، کب ۱۸ مه

د لوګر ولایت د پوهنې ریاست اړوند د ۲۷۵ ښوونځیو د ۲۲۷۴۰ تنو زده کوونکو لپاره د اړینو درسي توکو مرسته وشوه.

دغه مرسته د پوهنې ریاست د مسوولینو د هلو ځلو په پایله کې د ملګرو ملتونو د ماشومانو د ملاتړ صندوق یا یونیسف کړې ده، چې شاوخوا ٩٩ زره امریکایي ډالره ارزښت لري.

د لوګر د پوهنې له ریاست سره د درسي موادو مرسته وشوه.

پل علم
د لوګر د پوهنې ریاست د ویاند دفتر
سې شنبې، شعبان المعظم ۱۴ مه، کب ۱۶ مه

د لوګر ولایت د پوهنې ریاست اړوند د ۲۷۵ ښوونځیو د ۵۲۹۲۰ تنو زده کوونکو لپاره د درسي توکو مرسته وشوه.

دغه مرسته د پوهنې ریاست د مسوولینو په هلو ځلو د یونیسف موسسې کړې ده، چې شاوخوا ۲۳۰۴۹۶ امریکایي ډالره ارزښت لري.

د لوګر ۱۱۷ ښوونکو ته مسلکي او تجربوي روزنه ورکړل شوه.

پل علم
د لوګر د پوهنې ریاست د ویاند دفتر
سې شنبې، شعبان المعظم ۱۴ مه، کب ۱۶ مه

د لوګر د مرکز پل علم اړوند د ۵۷ ښوونځیو ۱۱۷ ښوونکو ته د وړتیا لوړونې مسلکي او تجربوي زده کړې ورکړل شوې.

د یادو روزل شویو ښوونکو په فراغت غونډه کې د پوهنې ریاست تدریسي مرستیال مولوي عبیدالله هشام، د ساینس او ښوونیزې ټکنالوژۍ مرکز مسووول ښوونمل محمد یعقوب اورمړ او روزل شویو ښوونکو برخه لرله.

دغو ښوونکو ته د پوهنې ریاست د ساینس او ښوونیزې ټکنالوژۍ مرکز پیاوړو، مسلکي او تجربه لرونکو ترېنرانو لس ورځني زده کړې ورکړي دي.

په لوګر کې د زده کړو بهیر د لا ښه والي لپاره ښوونکو ته روزنه ورکول کېږي.

پل علم
د لوګر د پوهنې ریاست د ویاند دفتر
دوشنبې، شعبان المعظم ۱۳ مه، کب ۱۵ مه

د لوګر ولایت په ښوونځیو کې د زده کړو بهیر د لا ښه والي او هم د ښوونکو د علمي کچې د لوړولو لپاره د ۱۳۰ نارینه او ښځینه ښوونکو شپږ ورځنۍ مسلکي روزنه پیل شوه.
یاده روزنه د پوهنې ریاست د کاري پلان له مخې ، د پوهنې وزارت تر منظورولو او لارښوونې وروسته ، د یونیسف په مالي ملاتړ ورکول کېږي، چې د ښوونځیو د تدریس کیفیت او د ښوونکو د پوهې د سطحې د لوړولو په برخه کې به ډېره ګټوره تمامه شي.

د لوګر د راتلونکي کانکور ازموینې ته ۲۵۰۰ تنو نوم لیکنه کړې.

پل علم
د لوګر د پوهنې ریاست د ویاند دفتر
شنبې، شعبان المعظم ۱۱ مه، کب ۱۳ مه

د لوګر ولایت د راتلونکي ۱۴۰۲ کال د کانکور ازموینې لپاره د دولسم ټولګیو ۲۵۰۰ تنو فارغانو نوم لیکنه کړې ده.

دغه نوم لیکنه دوه میاشتې مخکې د پوهنې وزارت په لارښوونه د نتایجو او شهادتنامو مدیریت پیل کړې وه، چې نن شنبه بشپړه شوه.

د لوګر د خروار ولسوالۍ پر ۲۴ خصوصي دیني مدرسو نغدي مرسته ووېشل شوه.

پل علم
د لوګر د پوهنې ریاست د ویاند دفتر
سې شنبې، شعبان المعظم ۷ مه، کب ۹ مه

د لوګر د خروار ولسوالۍ اړوند پر ۲۴ خصوصي لیلیه لرونکو دیني مدرسو د پوهنې وزارت نغدي مرسته ووېشل شوه.

د یادې نغدي مرستې د وېشلو په غونډه کې د پوهنې آمر مولوي حکمت الله المعاویه او د مرسته اخیستونکو مدرسو مهتممینو برخه لرله.

د لوګر د پوهنې ریاست په تېرو پنځو میاشتو ۸ سوه ښوونکي ګومارلي دي.

پل علم
د لوګر د پوهنې ریاست د ویاند دفتر
دوشنبې، شعبان المعظم ۶ مه، کب ۸ مه

د لوګر ولایت د پوهنې ریاست د روان ۱۴۰۱ لمریز کال په وروستیو تېرو پنځو میاشتو کې ۸۰۰ رسمي ښوونکي په دندو ګومارلي دي.
د پوهنې ریاست د بشري سرچینو او ګومارنې مدیریتونو د معلوماتو له مخې؛ چې یاد ښوونکي د کانکور ازموینې او د یوې رڼې پروسې له لارې پر دندو ګومارل شوي او په رسمي ډول یې خپلې دندې پیل کړې دي.

د نوموړو مدیریتونو د دقیقو معلوماتو پر بنسټ ؛ چې په ګومارل شویو ښوونکو کې ۶۶۶ نارینه او ۱۳۴ ښځینه شامل دي، چې د مرکز او ولسوالیو په ښوونځیو کې ګومارل شوي دي.

د لوګر د پوهنې ریاست راتلونکو ورځو کې د پوهنې وزارت د لارښوونې له مخې د درېیم ظرفیت له لارې د ۴۰۰ نورو بریالي شویو ښوونکو د ګومارنې پروسه هم پیلوي.

د لوګر د پوهنې ریاست خبرتیا

د لوګر د پوهنې ریاست په محمدي عالي دارالعلوم کې د دولسمو ټولګیو فارغان او هم له لومړي ټولګي څخه تر دولسم ټولګي پورې نوي زده کوونکي جذبوي.
هغه نجونې او هلکان ؛ چې د دولسم ټولګي فارغان وي او یا هم له لومړي څخه تر دولسم ټولګي پورې زده کوونکي وي او له دیني زده کړو لېوالتیا ولري خبر ورکول کېږي، چې د نوم لیکنې لپاره د پل علم ښار اړوند د پایي خېلو په سیمه کې د حضرت عمر فاروق (رض) لومړني ښوونځي ته دې مراجعه وکړي.

د لوګر محمدي عالي دارالعلوم د دیني زده کړو مسلکي ښوونکي لري، چې نجونو او هلکانو ته په کې د اسلامي شریعت په چوکاټ کې د زده کړو جلا ماحول برابر شوی دی.

د لا زیاتو معلوماتو لپاره ( 0773-48-20-21 ) شمېرې سره په اړیکه کې شئ.

د لوګر د پوهنې په ریاست کې ؛ د نوي ښوونیز کال پیل ته د چمتوالي نیولو غونډه جوړه شوه.

پل علم
د لوګر د پوهنې ریاست د ویاند دفتر
یکشنبې، شعبان المعظم ۵ مه، کب ۷ مه

 د لوګر ولایت د پوهنې په ریاست کې د راتلونکي ۱۴۰۲ ښوونیز کال پیل ته د لازمو او اړینو تیاریو د نیولو غونډه جوړه شوه.
یاده غونډه د پوهنې رئیس مولوي جنت ګل عزیز په مشرۍ جوړه شوې وه، چې د دغه ریاست مرستیالانو، عمومي مدیرانو ، د مرکز او ولسوالیو د پوهنې آمرانو په کې برخه لرله.      
په یاده غونډه کې د نوي ښوونیز کال پیل ته د لازمو او اړینو تیاریو د نیولو په تړاو مفصلې خبرې وشوې او تر سلا مشورو وروسته د نوي ښوونیز کال پیل ته لازم تصمیمونه ونیول شول.

د لوګر د پوهنې رئیس مولوي جنت ګل عزیز په یاده غونډه کې د مرکز او ولسوالیو د پوهنې آمرانو ته سپارښتنه وکړه، چې د نوي ښوونیز کال پیلېدو ته دې په ټولو ښوونځیو کې بشپړ چمتوالی ونیسي.

په لوګر کې ۱۵۰ تنو ښوونکو ته د وړتیاوو د لوړولو روزنیز پروګرام پیل شو.

پل علم
د لوګر د پوهنې ریاست د ویاند دفتر
شنبې، شعبان المعظم ۴ مه، کب ۶ مه

د لوګر په مرکز پل علم پورې اړوند د ۵۷ ښوونځیو د ۱۵۰ تنو ښوونکو لپاره د وړتیاوو د لوړولو روزنیزه دوره پیل شوه.

د یادې روزنیزې دورې په پیلیزه غونډه کې د پوهنې ریاست د تدریسي چارو مرستیال مولوي عبیدالله هشام، د ساینس او ښوونیزې ټکنالوژۍ مرکز مسوول ښوونمل الحافظ محمد یعقوب اورمړ، د مرکز پل علم د پوهنې آمر انجینر حبیب نور حیدري او ښوونکو برخه اخیستې وه.     
دغه روزنیزه دوره د پوهنې ریاست د ساینس او ښوونیزې ټکنالوژۍ مرکز له خوا جوړ شوی، چې موخه یې د ښوونکو د وړتیاوو او د ښوونځیو د درسي کیفیت لوړول دي.

د افغانستان پخوانی لوی څارنوال عبدالجبار ثابت ومړ

عبدالجبار ثابت هله ډیر شهرت وموند چې د لوی څارنوال په توګه یې د درغلو چارواکو خلاف پراخ کمپاین پیل کړ.

د افغانستان د یوه پخواني څارنوال او حقوق پوه عبدالجبار ثابت کورنۍ وايي، نوموړي د پښتونخوا په پېښور کې د نارت ویسټ په نوم یوه روغتون کې د پنجشنبې پر ورځ د جنورۍ پر ۲۶ د ۷۷ کلنۍ په عمر ساه ورکړه.

د کورنۍ یوه غړي یې بي بي سي پښتو ته ویلي، له هغه مهال چې نوموړی د وسله والو له لوري وتښتول شو، پر روغتیا یې اغېز شوی و. د افغانستان دغه پخوانی لوی څارنوال د ۲۰۱۱ کال په اکټوبر کې د کابل چهار اسیاب ولسوالۍ اړوند په سقاو سیمه کې له خپله کروندو او بڼ د لېدو پر مهال نا څرګندو کسانو وتښتو، چې نږدې یو کال په بند کې و.
لا خو ډېره روښانه نه شوه چې د هغه نېول د کومې ډلې کار او دا چې په کومه بڼه او شرطونو خوشې شو. عبدالجبار ثابت د افغانستان د ختیځ ولایت د ننګرهار د سره رود له ولسوالۍ و. د کابل په حبیبیه لیسه کې یې لومړنۍ زدکړې کړې وې، په ۱۹۵۰ کلونو کې یې د کابل پوهنتون د حقوقو او سیاسي علومو پوهنځی ولوست او په ۱۹۷۸ کې امریکا ته د ماسترۍ کچې زدکړو لپاره لاړ. پر افغانستان د شوروي له یرغل وروسته هغه په پښتونخوا کې مېشت شو، او د پېښور د منځنۍ اسیا په مرکز کې وخت ناوخت د استادۍ دنده تر سره کوله، ورسره یې په پېښور کې د افغان مجاهدینو د اسلامي پوهنتون د مرستیالۍ دنده هم درلوده.