د لوګر د پوهنې ریاست یوې همکارې مؤسسې د سیمه ییزو ټولګیو له زده کوونکو سره د درسي موادو مرسته وکړه

پل علم
د نشراتو مدیریت
دوشنبه، غویي ۳ مه

د لوګر ولایت د پوهنې ریاست اړوند یوې همکارې مؤسسې د ۳۶۲ سیمه ییزو ټولګیو له ۷۴۰۰ زده کوونکو سره د درسي توکو مرسته وکړه.

دا مواد چې د ملګرو ملتونو د ماشومانو د ملاتړ صندوق "یونیسف" له خوا برابره شوې وه د ماپو په نوم د پوهنې یوې همکارې مؤسسې له خوا زده کوونکو ته وېشل شوي دي.

د لوګر د پوهنې ریاست له خوا ۲۲۰ ښوونکو ته روزنیز پروګرام پیل شو

پل علم
د خپرونو او اطلاع رسولو مدیریت
چهارشنبه،وري ۲۹ مه ۳۰:۰۳

د لوګر ولایت د پوهنې ریاست د خپلو ۴۳ ښوونځیو ۲۲۰ ښوونکو ته د علمي او مسلکي سویې لوړولو یو ۸ ورځنۍ روزنیز ورکشاپ پیل کړ.
یاد ورکشاپ د پوهنې ریاست د کاري پلان له مخې د ساینس او ښوونیزې ټکنالوژۍ مرکز له خوا د ښوونکو د وړتیاوو د لوړولو او په ښوونځیو کې د تدریس کیفیت د لاښه والي په موخه جوړ شوی دی.

د لوګر په محمدآغې ولسوالۍ کې د کتب خېلو لېسه ورغول شوه

پل علم
د نشراتو مدیریت
چهارشنبه،۲۹/۱/۱۴۰۳ – ۰۰:۰۳

د لوګر ولایت د محمدآغې ولسوالۍ د کتب خېلو د هلکانو لېسه له بیا رغونې وروسته رسماً ګټې اخیستنې ته وسپارل شوه.

په دې تړاو جوړو شویو مراسمو کې د پوهنې ریاست د ښوونکو د روزنې او عمومي زده کړو آمر حاجي ابراهیم حمدي، د پوهنې آمر مولوي عبدالله محمدي، د لېسې آمر عبدالولي لودین ، د سیمې دیني عالمانو ، تعلیم پالو شخصیتونو، قومي مشرانو ، ښوونکو او زده کوونکو برخه اخیستې وه.

د لوګر د پوهنې ریاست له ۲۲۰ مجاهدینو څخه د سویې د تثبیت ازموینه واخیسته

پل علم
د نشراتو مدیریت
چهارشنبه، ۲۹/۱/۱۴۰۳ – ۴۰:۰۲

د لوګر ولایت د پوهنې ریاست د پوهنې وزارت د یوې کړنلارې پر اساس له شاوخوا ۲۲۰ مجاهدینو څخه د سویې د ثبیت ازموینه واخیسته.

دغه ازموینه مجاهدینو ته د زده کړو اسانتیاوو د برابرولو ، د تخنیکي او مسلکي زده کړو تعلیمي بنسټونو ته د دوی د شاملولو په موخه د یوې ځانګړې کمېټې له خوا واخیستل شوه.

د لوګر د پوهنې ریاست شاوخوا ۱۸ زره نوي زده کوونکي جذب کړي

پل علم
د خپرونو مدیریت
دوشنبه، شوال المکرم ۶ مه، وري ۲۷ مه

د لوګر ولایت د پوهنې ریاست د روان ۱۴۰۳ ښوونیز کال له پیلېدو وروسته نږدې ۱۸ زره د ښوونځي عمر برابر نوي ماشومان جذب کړي دي.

د لوګر د پوهنې ریاست د ښوونکو د روزنې او د عمومي زده کړو آمر د شهید غلام نبي سمسور له لېسې څخه لیدنه کړې ده

پل علم
د خپرونو مدیریت
یکشنبه، شوال المکرم ۵ مه ، حمل ۲۶ مه

د لوګر ولایت د پوهنې ریاست د ښوونکو د روزنې او د عمومي زده کړو آمر حاجي ابراهیم حمدي د شهید غلام نبي سمسور لېسې ته ورغلی او د دې لېسې له آمر ، ښوونکو او د زده کوونکو له والدینو سره یې لیدنه کړې ده.

د لوګر د پوهنې په ریاست کې د پوهنې سکتور میاشتنۍ غونډه جوړه شوه

پل علم
د خپرونو او اطلاع رسولو مدیریت
دوشنبې، رمضان المبارک ۲۹ مه ،حمل ۲۰ مه

د لوګر ولایت د پوهنې په ریاست کې د پوهنې سکتور د اړوندو ارګانونو د مسوولینو تر منځ د روانې حمل میاشتې سکتوري غونډه جوړه شوه.
دا غونډه چې د پوهنې ریاست د ښوونکو روزنې او عمومي زده کړو مرستیال حاجي ابراهیم حمدي په مشرۍ جوړه شوې وه پکې د پوهنې سکتوري ادارو رئیسانو او استازو په جلا – جلا ډول خپل د تېرې یوې میاشتې کاري راپورونه او د راتلونکي ثور میاشتې پلانونه د پوهنې ریاست مرستیال ته تشریح کړل .

د لوګر د پوهنې ریاست د ۱۴۰۳ کال د منظور شوي عملیاتي د تشریح او توضیح غونډه جوړه شوه

پل علم
د خپرونو او اطلاع رسولو مدیریت
یکشنبه، رمضان المبارک ۲۸ مه ، حمل ۱۹ مه

د پوهنې وزارت له خوا؛ د لوګر ولایت د پوهنې ریاست ته د روان ۱۴۰۳ لمریز کال لپاره د منظوري شوي عملیاتي پلان د تشریح او توضیح غونډه جوړه شوه.
دا غونډه د پوهنې وزارت د پلان او ارزونې ریاست د لارښوونې له مخې د پوهنې رئیس الحاج مولوي عبدالرحمن حمیدي په مشرۍ جوړه شوې وه چې د دغه ریاست مرستیالانو ، عمومي مدیرانو او د مرکز او ولسوالیو د پوهنې آمرانو پکې برخه اخیستې وه.

د نېکمرغه کوچني اختر په مناسبت د عالیقدر امیرالمؤمنین شیخ القرآن و الحدیث مولوي هبة الله اخند زاده صاحب حفظه الله تعالی د مبارکۍ پیغام!

بسم الله الرحمن الرحیم

الحمد لله نحمده ونستعينه ونستغفره ونتوب إليه ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله. أما بعد:فقد قال الله تعالي: قَدْ أَفْلَحَ مَنْ تَزَكَّى (۱۴) وَذَكَرَ اسْمَ رَبِّهِ فَصَلَّى (۱۵) سورة الأعلی
ژباړه: په تحقیق بری موندلی، (په مراد رسیدلي دي) هغه څوک چې پاک شوي دي(په ایمان سره له معاصیو څخه) او یاد یې کړ نوم د رب خپل(په تکبیر سره) بیا یې لمونځ وکړ(چې نښه د اسلام ده).
د تفسیر کابلي په حواله ځيني اسلاف وايي چې، دلته د تزکیې څخه مراد د فطر صدقه ده او له ذکر څخه مراد د اختر تکبیرونه دي، او له لمانځه څخه مراد د اختر لمونځ دی، (یعنی د اختر په ورځ اول د فطر صدقه (سرسایه) ورکړه، بیا تکبیرونه ووایه او د اختر لمونځ وکړه)

د پوهنې وزارت د لوګر د پوهنې ریاست ته ۹ پروژې منظورې کړې دي

پل علم
د خپرونو او اطلاع رسولو مدیریت
دوشنبه، رمضان المبارک ۲۲ مه ، حمل ۱۳ مه

د پوهنې وزارت له خوا د لوګر ولایت د پوهنې ریاست ته ۹ پروژې منظورې شوي، چې په نږدې راتلونکو ورځو کې به یې عملي چارې پیل شي.

یادې پروژې د پوهنې ریاست د مسوولینو د نه ستړي کېدونکو هلو ځلو په پايله کې د پوهنې وزارت نوې منظورې کړې دي، چې مالي لګښت یې یونیسف په غاړه اخیستی دی.

د لوګر د پوهنې رئیس د مرکز او ولسوالیو د پوهنې آمرانو تعلیمي ستونزې او غوښتنې واورېدې

پل علم
د خپرونو او اطلاع رسولو مدیریت
یکشنبه، رمضان المبارک ۲۱ مه ، حمل ۱۲ مه

د لوګر ولایت د پوهنې رئیس الحاج مولوي عبدالرحمن حمیدي د مرکز او ولسوالیو د پوهنې له آمرانو سره ولیدل او په یوه غونډه کې یې د دوی تعلیمي ستونزې او غوښتنې واورېدې.

یاده غونډه چې د پوهنې ریاست د مقام په دفتر کې جوړه شوې وه د اسلامي زده کړو مرستیال مفتي سید ضیاء احمد صارم احمدآغا له خوا د قرآن کریم د څو مبارکو آیتونو په تلاوت سره پیل شوه او بیا د پوهنې رئیس له خوا د مرکز او ولسوالیو د پوهنې آمرانو ته ښه راغلاست او هرکلی وویل شو.

د لوګر د پوهنې رئیس د وایفا موسسې له نوي او پخواني مسوول سره وکتل

پل علم
د خپرونو او اطلاع رسولو مدیریت
شنبه، رمضان المبارک ۲۰ مه ، حمل ۱۱ مه

د لوګر ولایت د پوهنې رئیس الحاج مولوي عبدالرحمن حمیدي د وایفا په نوم د پوهنې د یوې همکارې موسسې له نوي او مخکني مسوول سره لیدنه وکړه.

هغه په دې لیدنه کې د پوهنې د یادې همکارې موسسې د مخکني مسوول کامران سادات خدمتونه وستایل او نوي رئیس ته یې د ښه راغلاست ویلو تر څنګ د هر ډول همکاریو ډاډ ورکړ.

د لوګر د پوهنې ریاست خپل یوه ښوونځي ته ارتقا ورکړې

پل علم
د خپرونو او اطلاع رسولو مدیریت
شنبه، رمضان المبارک ۲۰ مه ، حمل ۱۱ مه

د لوګر ولایت د پوهنې ریاست د غیرت آباد په نوم خپل یوه لومړني ښوونځي ته د منځني ښوونځي کچې ته ارتقا ورکړې ده.

یاد ښوونځي ته چې د مرکز پل علم اړوند د غیرت آباد په کلي کې شتون لري د پوهنې وزارت تر منظورۍ وروسته ارتقا ورکړل شوې ده.

د لوګر یوې لېسې ته د لمریزې برېښنا سیستم جوړ شو

پل علم
د خپرونو او اطلاع رسولو مدیریت
پنجشنبه، رمضان المبارک ۱۸مه ، حمل ۹ مه

د لوګر ولایت د محمدآغې ولسوالۍ د کتب خیلو د هلکانو لېسې ته د لمریزې برېښنا سیستم جوړ او ګټې اخیستنې ته وسپارل شو.

دا سولري سیستم د دغې لېسې د ادارې په هڅو او زیار سره د سیمې پوهنپالو حیات الله احمدزي، انجینر محمد همایون ستانکزي، او ډاکټر محمد صابر ستانکزي په شخصي لګښت جوړ شوی چې شاوخوا ۶۰ زره افغانۍ لګښت پرې راغلی دی.

د لوګر د پوهنې رئیس د پوهنې همکارو موسسو له ولایتي مسوولینو او استازو سره وکتل

پل علم
د خپرونو او اطلاع رسولو مدیریت
چهار شنبه، رمضان المبارک ۱۷ مه ، حمل ۸ مه

د لوګر ولایت د پوهنې رئیس الحاج مولوي عبدالرحمن حمیدي د پوهنې شپږو همکارو موسسو له ولایتي مسوولینو او استازو سره لیدنه وکړه.

هغه دا لیدنه د خپل کار په دفتر کې د یونیسف، آی آر سي، وایفا، ماپو، وفا او د افغانستان له بشریت سره د همکارۍ په نومونو د مرستندویه موسسو له ولایتي مسوولینو او استازو سره کړې ده.

د لوګر د پوهنې ریاست ۴ نوي لومړني ښوونځي تاسیس کړي

پل علم
د خپرونو او اطلاع رسولو مدیریت
سه شنبه، رمضان المبارک ۱۶ مه ، حمل ۷ مه

د لوګر ولایت د پوهنې ریاست د ۱۴۰۳ لمریز ښوونیز کال په پیلېدو سره له زده کړو بې برخې ماشومانو ته ۴ نوي لومړني ښوونځي تاسیس کړي دي.
یاد ښوونځي د سیمې اوسېدونکو پرله پسې غوښتنو وروسته د پوهنې ریاست ، د پل علم او د خروار ولسوالۍ د پوهنې آمریتونو په زیار او نه ستړې کیدونکو هڅو سره د پوهنې وزارت له منظورۍ وروسته تاسیس شوي دي.

د لوګر د پوهنې نوي رئیس په کار پیل وکړ

پل علم
د خپرونو او اطلاع رسولو مدیریت
دوشنبه، رمضان المبارک ۱۵ مه ، حمل ۶ مه

د لوګر ولایت د پوهنې نوي رئیس ښاغلي الحاج مولوي عبدالرحمن حمیدي نن دوشنبې د خپل کار په دفترکې په کار پیل وکړ.

هغه د خپل کار لومړۍ ورځ له خپلو کارکوونکو ، د دیني مدرسو او ښوونځیو له مسوولانو او مراجعینو سره پر لیدنې کتنې ، غوښتنو او ستونزو اورېدلو پیل کړی دی.

الحاج مولوي عبدالرحمْن حمیدي د لوګر د پوهنې رئیس په توګه رسماً دنده پیل کړه

پل علم
د خپرونو او اطلاع رسولو مدیریت
شنبه، رمضان المبارک ۱۳ مه ، حمل ۴ مه

الحاج مولوي عبدالرحمْن حمیدي د یو لړ ځانګړو مراسمو په ترڅ کې د لوګر ولایت د پوهنې نوي رئیس په توګه رسماً دنده پیل کړه.
د هغه د معرفي په مراسمو کې د پوهنې وزارت د ښوونې او روزنې معین الحاج مولوي سخاء الله سعید تر څنګ مرستیال والي مولوي محمد انور دین پرور،د ولایت مقام د دفتر رئیس مولوي میرویس وحیدالله ، د پوهنې پخواني رئیس مولوي جنت ګل عزیز، د پوهنې ریاست مرستیالانو او کارکوونکو برخه اخیستې وه .

لوګر کې شاوخوا ۷۰۴ مجاهدینو د تثبیت ټولګي ازموینه ورکړه

پل علم
د خپرونو او اطلاع رسولو مدیریت
پنجشنبه، رمضان المبارک ۱۱ مه،حمل ۲ مه

د لوګر د پوهنې ریاست له شاوخوا ۷۰۴ مجاهدینو څخه چې د امریکایي اشغال پر مهال په جهاد بوخت وو د ۱۰ او ۱۱ ټولګیو د تثبیت ازموینه واخیسته.

دغه ازموینه د پوهنې وزارت د رسمي هدایت پر اساس په عالي دارالمعلمین کې په ډېر منظم او شفاف ډول د یوې ځانګړې کمېټې له خوا واخیستل شوه.

لوګر کې نوی (۱۴۰۳) ښوونیز کال رسماً پیل شو

پل علم
د خپرونو او اطلاع رسولو مدیریت
چهارشنبه، رمضان المبارک ۱۰ مه ، حمل لومړی نېټه

د لوګر ولایت د پوهنې ریاست نوی ( ۱۴۰۳ ) ښوونیز کال د ښوونځي زنګ په کړنګولو سره رسماً پیل کړ.

د نوي ښوونیز کال د پیل په مراسمو کې چې د پوهنې ریاست د غونډو په تالار کې جوړ شوي وو پکې مرستیال والي مولوي محمد انور دین پرور، د پوهنې رئیس مولوي جنت ګل عزیز، د جهادي مدرسې مهتمم شیخ الحدیث و القرآن عبدالمالک حامد ، د پوهنې ریاست مرستیالانو ، د مرکز او ولسوالیو د پوهنې آمرانو ، دیني عالمانو ، قومي مشرانو ، د ښوونځیو مدیرانو او ښوونکو برخه اخیستې وه.