د لوګر ۱۳۰ تنو ښوونکو ته په ښوونځیو کې د درسي کیفیت د لوړولو مسلکي روزنه تر لاسه کړه.

د لوګر د پوهنې ریاست د ویاند دفتر
یکشنبې، شعبان المعظم ۱۹ مه، کب ۲۱ مه

د لوګر ولایت ۱۳۰ تنو ښوونکو ته په ښوونځیو کې د زده کړې کیفیت او هم د پوهې د سطحې د لوړولو لس ورځنۍ مسلکي روزنه ورکړل شوه.

یاده روزنه د پوهنې ریاست د کاري پلان له مخې ؛ د یونیسف موسسې په مالي ملاتړ ورکړل شوې ده، چې موخه یې په ښوونځیو کې د درسي کیفیت او هم د ښوونکو د علمي او مسلکي وړتیاوو لوړول وو.

نوموړي ښوونکي ؛ د اغیزمنې ښوونې او زده کړې د ودې تر عنوان لاندې په جوړ شوي لس ورځني ورکشاپ کې د عالي دارالمعلمین د پیاوړو او مسلکي استادانو په واسطه په اکاډميکي او ميتوديکي برخو کې روزل شوې دي.

دا په داسې حال کې ده، چې په لوګر کې له دې مخکې هم د ساینسي او ریاضي مضمونونو ۱۱۷ تنو نورو ښوونکو د تدریس او تجربو په برخو کې روزنه تر لاسه کړې ده.