په لوګر کې د یوه ښوونځي له ۱۵۰ غریبو زده کوونکو سره مرسته وشوه.

پل علم
د لوګر د پوهنې ریاست د ویاند دفتر
پنجشنبې، رمضان المبارک ۱۵ مه ، حمل ۱۷ مه

د لوګر ولایت د مرکز پل علم اړوند د خواجه محمد اکبر خان د هلکانو د منځني ښوونځي له ۱۵۰ غریبو زده کوونکو سره د درسي موادو مرسته وشوه.

یاده مرسته د پوهنې ریاست او د پوهنې ښاري آمریت په پوره همغږۍ د خواجه محمد اکبر خان خیریه بنسټ زده کړو ته د زده کوونکو د لاهڅونې په موخه وکړه.

په دې مرسته کې هر زده کوونکي ته یوه بکسه، ۱۰ لس کتابچې ، ۵ قلمونه، ۱۲ پنسلونه او یو دانه خط کش ورکړل شول.

د لوګر د مرکز پل علم د پوهنې آمر انجینر حبیب نور حیدري د یاد خیریه بنسټ له مرستو مننه وکړه او پر نورو سرمایه لرونکو خلکو یې هم غږ وکړ، چې دغه ډول غریبو زده کوونکو سره دې مرسته وکړي.