سرک اسفالت از قریه حصارک رسما افتتاح شد

امروز کار پروژه 11.2 کیلومتر سرک اسفالت از قریه حصارک (سرک عمومی کابل گردیز) الی دهنه ریگ مربوط پل علم مرکز ولایت لوگر با قطع نوار توسط محترم محمد حلیم فدای والی ولایت لوگر اهالی شریف منطقه رسما افتتاح شد.
این پروژه از کمک بانگ جهانی از طریق برنامه ملی راه سازی روستای وزارت احیا انکشاف دهات تحت نظر وراهنمای زون کابل این برنامه و همکاری ریاست محترم انکشاف دهات ولایت لوگر توسط شرکت ساختمانی لقمان تطبیق و عملی میشود میعاد تکمیلی آن 28 قوس1397میباشد.

د لوګر والي: د ژورنالیستانو پروړاندې د ستونزو په حل کې مرسته کوم

د لوګر والي محمد حلیم فدایي د دې ولایت له ژورنالیستانو سره په ناسته کې د دوی پر وړاندې د یو شمیر ستونزو په هوارۍ کې د مرستې ډاډ څرګند کړ.
له ژورنالیستانو سره یاده ناسته د چهارشنبې په ورځ د ولایت مقام د رسنیو په مرکز کې ترسره شوه، چې په کې د دې ولایت د ټولو رسنیو استازو او خبریالانو برخه اخیستې وه.
د لوګر ژورنالیستانو له والي سره په یاده ناسته کې، وویل چې په دې ولایت کې د خوندیتوب کمییټې ناسته پر ټاکل شوي وخت نه ترسره کیږي او په کې وړاندیز شویو ستونزو ته؛ تردې دمه د حل لارې چارې نه دي لټول شوي.
د لوګر د خپلواکو ژورنالیستانو ټولنې رئیس او د زینت راډیو مشر نورالله ستانکزي وویل چې، سیمه ییزې رسنۍ دا مهال له ګڼو اقتصادي ستونزو سره لاس او ګریوان دي او نه شي کولای چې، خپلې چارې په سم ډول مخ ته یوسي.

 انجنیر شریف الله سلیمانخېل شهید شو

شهید انجنیر شریف الله سلیمانخېل د مرحوم مدیر اسد الله سلېمانخېل زوی او د مرحوم شهید امین دو الله سلېمانخېل لمسی چې د لوگر ولایت د محمد آغې ولسوالۍ د زرغون ښار په کلي کې سترگې پرانیستې او په خپل ژوند کې د خپلې درنې کورنۍ لپاره د غورو خدماتو کولو بر څېره یې خپلو او د خپلو وروڼو زده کړو کې فعاله ونډه درلوده نوموړي د خپل ژوند په شلم پسرلي کې واده وکړ او د واده ثمره یې یوه لور ده بالاخره د ۱۳۹۶ کال د وږي د میاشتې په ۲۴ مه نېټه د ۲۷ کلونو په عمر د دندې پر مهال د برېښنایي ټکان له امله د شهادت ستر مقام تر لاسه کړ روح دې ښاد او یاد دې تلپاتې وي.

انا لله و انا الیه راجعون

د لوګر د محمدآغې ښوونکو ته د استوګنونومرواسناد ووېشل شول

پل علم، د لوګر د پوهنې ریاست د مطبوعاتو دفتر، پنجشنبې د تلې ۲۷ مه

د لوګر د محمدآغې ولسوالۍ ۹۸۳ ښوونکواو د پوهنې کارکوونکو ته د کورونو د جوړولو لپاره د یوې یوې استوګنې نومرې اسناد ووېشل شول.
په دې اړه جوړو شویو مراسمو کې والي محمد حلیم فدایي، امنیه قوماندان عصمت الله علیزي، د ولایتي شورا غړي حسیب الله ستانکزي، دپوهنې رئیس انجینرمحمداکبر ستانکزي، د محمدآغې ولسوال محمد رحیم امین، د پوهنې آمر روح الله امین، ښاروال عصمت الله ستانکزي، د ښوونځیو مدیرانو،سرښوونکو او ښوونکو برخه اخیستې وه.

د نور انځور د لیدو لپاره دلته کلیک وکړۍ!

د لوګر پوهنتون دوه وداني ګټې اخیستنې ته وسپارل شوې

( تلې – ۲۴- دوشنبه)

د لوګر پوهنتون دوه ودانۍ چې یوه یې تدریسي او بله یې د شپه غالي( لیلې ) ودانۍ ده نن ګټې اخیستنې ته وسپارل شوې چې په همدې اړه د لوګر د لوړو زده کړو مؤسسې په نوې ودانۍ کې غونډه نیول شوې وه او پکې د لوړو زده کړو سرپرست وزیر دوکتور عبدالطیف روشان ، د اقتصاد وزارت سرپرست وزیر مصطفی مستور ، د لوګر والي محمد حلیم فدايي ، په ملي شورا کې کې د لوګر استازو ، د ولایتي شوراریس او غړو ، د ادارو ریسانو ، د پوهنتون استادانو او ګڼو زده کوونکو برخه اخیستې وه.

د نور انځور د لیدو لپاره دلته کلیک وکړۍ!

لوګر کې د یوه ښوونځي درې زده کوونکي شهیدان شوي

پل علم، د لوګر د پوهنې ریاست د مطبوعاتو دفتر، یکشنبې د تلې ۲۳ مه

د لوګر د څرخ ولسوالۍ د شیخ عمر د منځني ښوونځي درې تنه زده کوونکي د هاوان مرمۍ د چاودنې له امله شهیدان شوي دي.
د لوګر د پوهنې ریاست ویاند محمد شاپورعرب وویل، چې دغه پېښه پرون مازدیګر مهال شاوخوا ۴ بجې د یادې ولسوالۍ د خواجه اسمعیل په سیمه کې رامنځته شوې ده.
عرب زیاته کړه، چې په دې پېښه کې د محمد نعیم ، محب الله او نقیب الله په نومونو د یاد ښوونځي د شپږم ټولګي درې تنه زده کوونکي په شهادت رسیدلي ، چې ټول د یوې کورنۍ غړي دي.
عرب وویل، چې چاوېدلې د هاوان مرمۍ د ځمکې پر سر پرته وه او د زده کوونکو د لوبو پر مهال یې چاودنه کړې ده.

‎د لوگر محصلین لغمان پوهنتون کی

 نن د جمعې په مبارکه ورځ د اوسیو په تعلیمي مرکز کې د لوګرمحصلینو ترمنځ غونده په بریالیتوب سره ترسره شوه چې په دې غونده کې لومړی ګل محمد ابرارنوي محصلینوته د ښه راغلاست او ورسره یې د ټولنې د یووالی په هکله خبرې وکړی او له هغه وروسته د ننګرهار پوهنتون د حقوقو د پوهنځی رئیس ښاغلی نقیب الله ثاقب وینا وکړه ، محصلین یې یووالی او ورسره یې دعلم اوتحصیل په اهمیت خبری وکړی.

د پیمان خیریه بنسټ جومات جوړوي

د پیمان خیریه بنسټ د مطبوعاتو دفتر
سه شنبې د تلې ۱۸ مه

د لوګر د محمدآغې ولسوالۍ د مغل خیلو په کلي کې د ویس قرني په نوم جومات ته د ودانۍ جوړېدو کار د یوې غونډې په ترڅکې پیل شو.
د یاد جومات د کار پیلېدو په مراسمو کې د پیمان خیریه بنسټ مرستیال محمد شاپورعرب، په محمدآغې ولسوالۍ کې د دغه خیریه بنسټ د ساحوي دفتر مسوول صفي الله یوسفزي، د مغلوخیلو د کلي دیني عالمانو، قومي مشرانو او ځوانانو برخه اخیستې وه.

یاد جومات د لوی خدای (ج) د رضا، د لمونځ کوونکو لپاره د ښه چاپیریال برابرولو او د ثواب د تر لاسه کولو لپاره د پیمان خیریه بنسټ رئیس ښاغلی الحاج سلیم عابد پیمان له خپلې شخصي پانګې جوړوي.

د ویس قرني جومات په پاخه او اساسي ډول په دوو پوړونو کې جوړیږي، چې په یوه وخت کې به د ۴ سوه لمونځ کوونکو د ځایولو وړتیا ولري.

د نور انځور د لیدو لپاره دلته کلیک وکړۍ!

لوګر کې د زده کوونکو ترمنځ د والیبال ټورنمنټ پیل شو

پل علم دلوګرد پوهنې ریاست د مطبوعاتودفتردوشنبې د تله ۱۷ مه

د بي بي آمنې په لېسه کې د ښوونکي ورځ ولمانځل شوه

پل علم، د لوګر د پوهنې ریاست د مطبوعاتو دفتر، پنجشنبې د تله ۱۵ مه

د لوګر په مرکز پورې اړوند د بي بي آمنې د نجونو په لېسه کې د ښوونکي نړېواله ورځ د یوې غونډې په ترڅکې ولمانځل شوه.
د بي بي آمنې د نجونو لېسې د ښوونکو د نړېوالې ورځې د لمانځنې په مراسمو کې تدریسي مرستیالې مینه سادات، د نظارت آمر فضل عمر وزیري، د دې لېسې مدیرې نفیسه بها ، ښوونکو او زده کوونکو برخه اخیستې وه.
په دې غونډه کې د قرآن کریم له تلاوت او د زده کوونکو له خوا د ملي سرود تر ویلو وروسته تدریسي مرستیالې مینه سادات د ښوونکي د نړېوالې ورځې په مناسبت د پوهنې وزیر ډاکټر اسدالله حنیف بلخي را لېږل شوی پیغام د غونډې ګډونوالو ته ولوسته.

په لوګر ولایت کې د ښوونکي نړیواله ورځ ونمانځل شوه

( تله ـــــ ۱۳پنجشنبه)

دغه غونډه چې د لوګر ولایت د ښاروالۍ په تالار کې جوړه شوې وه پکې د لوګر والي محمد حلیم فدایي ،د ولایتي شورا رئیس االحاج محمد ناصر غیرت ،د پوهنې د رئیس محمد اکبر ستانکزي سربېره د یو شمېر نورو ادارو رئیسانو د ښوونځیو آمرینو،سرښوونکو،مدیرانو ، ښځینه ښوونکو او د ښوونکو د مینوالو په ګډون تر سره شوه.
د غونډې پیل قاري محمد اعظم د قران په څو مبارکو آیتونو وکړ،ورپسې د لوګر ولایت د پوهنې رئیس محمد اکبر ستانکزي د پوهنې وزارت پیغام ولوست، وروسته د ویناوالو لړۍ پیل شوه د لوګر ولایت د ولایتي شورا رئیس الحاج محمد ناصر غیرت د ښوونکي د ورځې مبارکي ټولو ښوونکو ته وویله او ویې ویل ښوونکی هغه څوک دی چې د نړۍ رهبران یې روزلي، ښوونکی زمونږ تنکي ځوانان د یوې ښې راتلونکې لپاره هڅوي او زه ویاړم چې د معارف ددغه کتار یو تن غړی یم، ښوونکي ده چې د ټولنې لپاره خدمت کوي او ټولنه د تیارو نه د رڼا په لور رهبري کوي ، د ښځینه ښوونکو په استازیتوب مینه سادات د ښوونکي پر تړاو لنډه لیکل شوې لیکنه ولوسته.

ددی غونډی نور انځورونه دلته ږګوری!

د لوګر وتلي ښوونکي په مډالونو او تقدیرنامو وستایل شول

پل علم، د لوګر د پوهنې ریاست د مطبوعاتو دفتر، پنجشنبې د تله ۱۳ مه

د لوګر د مرکز او ولسوالیو د ښوونځیو ۳۵۱ تنه ممتاز ښوونکي پر مډالونو او امتیازي تقدیرنامو وویاړل شول.
نوموړو ښوونکو، د ښوونکو د نړېوالې ورځې د لمانځنې په شاندارو مراسمو کې نوموړي امتیازونه تر لاسه کړل.
په ستایل شویو ښوونکو کې دوه تنه په عالي دولتي مډالونو، ۱۸۱ تنه د پوهنې وزارت او ۱۷۰ تنه نور د ولایت مقام په تقدیرنامووستایل شول،چې ۱۹۳ تنه ښځینه ښوونکې وې.
د پوهنې وزارت او ولایت مقام یاد ښوونکي، د ښوونکو د نړېوالې ورځې په درناوي او دغه راز د ښوونکي د سپېڅلې دندې له لارې د ښو خدمتونو له امله وستایل.

برای مشاهده تصاویر بیشتر اینجا کلیک کنید!

گشایش نمایشگاه صنایع دستی وهنر نقاشی در لوگر

پل علم 12 میزان

نمایشگاه دوروزه تحت نام دید جوانان به سوی فردای بهتر توسط مدیریت عمومی امور جوانان ومرکز آموزشی لنکن در کتابخانه عامه ریاست اطلاعات وفرهنگ امروز رسمآ گشایش یافت.
محفل که به مناسبت افتتاح نمایشگاه در تعمیر کتابخانه عامه با اشتراک محمد شفیق پوپل رئیس اطلاعات وفرهنگ،انجنیرمحمد اسماعیل حمیدی رئیس سره میاشت لوگر،مسولین مرکز آموزشی لنکن ،فرهگنیان،جوانان واهل قلم تدویر یافته بودنخست محمد شفیق پوپل رئیس اطلاعات وفرهنگ صحبت نموده گفت:تدویر چنین نمایشگاه ها برای تقویت فرهنگ اصیل افغانی نهایت مهم وارزنده بوده ومیتواند تاحدی هنرمندان را تشویق نماید.

د زده کوونکو دوامداره رخصتي د زده کړو بهیر له خنډ سره مخ کوي

دهیواد دګرمو  سیمو  ښوونیز مرکزونو  ته  چې په  دوبي کې  د زیاتې ګرمۍ له امله رخصت ورکول کیږي،  نباید زده کوونکي  درخصتي په پوره کیدو ښوونځیو ته دتلو څخه ډډه وکړي  او یا په یوه او بله بهانه له ښوونځي څخه تیښته ولري، ځکه دا د دوی پر زیان تمامیږي.
خو سږکال د څلورنیم میاشتنۍ آزموینې وروسته ښوونځي د لسو ورځو لپاره رخصت شول، ولې بیاهم د پوهنې وزارت د پریکړې په اساس د رخصتي موده بیا ځلې د لسو ورځو لپاره تمدید شوه.  د ښوونځیو د رخصتي په پوره کیدو بیا هم ډیري زده کوونکي  ښوونځیو ته نه ورتل او دیوې اونۍ په تیریدو دلوی اختر د رخصتیو ورځې را ورسیدې  او داختر ورځې چې تیرې شوې، نو په دې ځل هم زده کوونکي په ډول ډول بهانو چې رخصتي ده اویا داچې داونۍ له پیله درسي بهیر پیلیږي. دا د دوی غلط  فکرونه  او د لټۍ په لومه کې راګیږ زده کوونکي دي، چې له ښوونځیو څخه تیښته لري. خو په اصل کې   زده کوونکي  په خپلو  درسونو کې لویه ضربه ویني، چې  ددوی درسي کتابونه  په بشپړ ډول  نه لوستل  او ښوونیز نصاب  له پلانه پاتې کیږي.

سوله؛ دسولې نړیوالې ورځې په مناسبت

د سولې نړیواله ورځ ؛ په افغانستان او دنړۍ په نورو هیوادونو کې هرکال  د وږي  دمیاشتې په ۳۰ مه نیټه  لمانځل کیږي. 
خو ددې ورځې لمانځنه  دهیواد په ټولو ولایتونو کې اړین بريښي، چې په ځانګړې ډول د دغې ورځې یادونه وشي، ځکه افغانانو  دڅولسیزو جګړو قرباني شوي او دغه لړۍ اوس هم دوام لري. نو ددې ورځې یاد په خلکو کې دیوالي او وحدت ښکارندويي کوي، دولت او  ولس  دواړه په هیواد کې د ډاډمنې او تلپاتې سولې هلې او ځلې پیل  کړي او مخالفې لورې ته دې  وویل شي، چې نور د دولت غیږه ستاسو پر مخ خلاصه ده،په ډاډه زړه  راتلای شئ، چې د سولې لاره غوره کړئ .

د لوګر والي د جمعې لمونځ د واغجان په جامع جومات کې اداء کړ

( تلې ۷ ـ جمعه)

د لوګر والي محمد حلیم فدايي چې د امنیې قوماندان لوی پاسوال عصمت الله علیزی، د څلورمې پلې لواء قوماندان جنرال عبدالرازق ساپی، د محمدآغې ولسوال محمد رحیم امین، د محمدآغې شاروال عصمت الله ستانکزی او نور مسولین هم ورسره وو د جمعې لمونځ د واغجان بازار په جامع جومات کې اداء کړ او د تېرې ورځې د پېښې شهیدانو فاتحه یې واخستله.

د واغجان بازار شا ته د طالب وسله والو په کمین کې ۳ تنه ملکي وګړي شهیدان او ۳ تنه ټپیان شول

( تلې ـ ۶ ـ پنجشنبه)
پېښه نن مازدیګر په ۴:۱۰ بجو د واغجان بازار شاته را منځته شوه، چېرته چې طالب وسله والو سیمه ایزو پولیسو ته کمین نیولی وو.
د لوګر ولایت والي د وسله والو طالبانو یاده کړنه په کلکو ټکو سره وغندله، او د محمدآغې ولسوال ته یې هدایت وکړ چې د شهیدانو او ټپیانو د کورنیو سره د فوري مرستې پخاطر دې د شهیدانو او ټپیانو د حقوقو فورمې ژر تر ژره ترتیب، او کورنیو ته دې یې د جلالتمآب ولسمشر د غمشریکۍ پیغام ورسوي.

فساد کم ترکمه 10 ډولونه لري!

 فساد Corruption ګندګي، شر، بوى او چټلي ته وايي او له اصطلاحي پلوه له عامه واک څخه د شخصي ګټو د تامين لپاره ناوړه ګټه اخيستنې ته فساد وايي (ويکيپيډيا) او تر ټولو ستر فساد وضع شئ فى غير محله چې همدا د ظلم تعريف هم دى او ظلم په خپله فساد دى.

فساد 10ډولونه لري:
۱ - ادارې administrative فساد لکه اوږده بيوروکراسي، کار اهل کار ته نه سپارل، رشوت، اختلاس، وظيفوي غفلت، د مراجعينو کارونه ځنډول او يا په کې خنډونه پيدا کول او نور.
۲ - سياسي political فساد لکه په ناحقه د خپل حزب، ډلې، سمت، قوم پلوي او يا پر همدې بنسټ په استخدام، انفکاک، قرارداد او نورو کې مداخله او فشارونه اچول.
۳ - ديني religious فساد لکه په وړه خبره او يا ګناه په چا د کافر، منافق فاسق فاسد، يهودي، جاسوس، مرتد او فتوا يا ټاپه لګول او نور او په مجموع کې په مسلمان کفري ټاپه لګول او د قران او حديث تحريفول.
۴ - اخلاقي moral فساد لکه زنا، لواطت، بجه بازي، شراب، چرس، نشه اى توکې او نور.

ستانکزی: شامل ساختن پروژه های انکشافی و زیربنایی در بودجه سال ۱۳۹۷ در اولویت کاری ما قرار دارد

۱۳۹۶/۰۷/۰۵

الحاج محمداکبر ستانکزی نماینده منتخب مردم لوگر در شورای ملی میگوید که هدف شان از دیدار ها با رؤسای ادارات دولتی لوگر اولویت بخشیدن به پروژه های زیربنایی ، پیشنهادات به بودجه آینده ، نظارت و ارزیابی و راه حل به چالش های موجود می باشد که به همین منظور سفر های ولایتی خویش را به لوگر آغاز کرده اند.

برای مشاهده تصاویر بیشتر اینجا کلیک کنید!

د مستري زلمي لومړۍ شعري ټولګه «د مستري چیغه » چاپ شوه

 د لوګر د تکړه شاعر مستري زلمي ستانکزي د نوې شعري ټولګې « د مستري چیغه » د مخکتنې غونډه نن چهارشنبه د ولایت مقام دغونډو په تالار کې جوړه شوې وه.
په یاده غونډه کې د لوګر والي محمد حلیم فدایي، د اطلاعات او فرهنګ رئیس محمد شفیق پوپل سربیره لسګونه شاعرانو، لیکوالانو، ژورنالیستانو او په شعر او ادب مئینو ځوانانو برخه اخیستې وه.
دغونډې ويناوالو په چمتو شويو مقالو کې د « د مستري چیغه » شعري ټولګې پر ارزښت او د مستري زلمي د ادبي هڅو په اړه خبرې وکړې.
ویناوالو په خپل وار د ادب په ډګر کې، د نوموړي هڅې وستايلې او د يادې ټولګې دخپراوي په وياړ يې ښاغلي ستانکزي، درنې کورنۍ، او د ادب ټولو مينه والو ته مبارکي وړاندې کړه.
دوی همدا راز د لوګر له والي څخه د خوښۍ څرګندولو ترڅنګ غوښتنه وکړه چې، د ځوانانو او اديبانو د هڅونې لپاره دې ورته غونډې او ادبي ناستې جوړې کړي.