داچې دچا خوښه ده اويانه داهيواد دافغانستان په نوم يادېږي اوپدې نوم به وي

لیکوال : حبيب الله غمخور

زه خپلو افغانانوورنوته داخطاب کوم ،ولې دهرکس اوناکس پر وينا دومره احساساتيان سی چې هغوي مو دسپکاوی لامل پيداکړي . داچې دچا خوښه ده اويانه داهيواد دافغانستان په نوم يادېږي اوپدې نوم به وي .

دا ۲۷ کاله دادفډرالي حاکميت اوخراسان ډهل هغه کسان وهی چې متا سفا نه دښاغلی کرزی او اشرف غني په حاکميت کي دايرانی اوپاکستانی چارواکو په هدايت يې دا ښاغلی تردې ځايه راورسول چې له دولتي حاکميت نه یې هم پراخه استفاده کول .

موږ یې پېژنو دې بېچاره گانو هيڅ نلرل په ايران اوپاکستان کي يې دايرانی اخوندانو اوپاکستاني ميجرانو اوجنرالانو پښې یې مچولې اوس چې ديوڅه خاوندان سول لار ورنه ورکه ده،حيران دی چې څه وکړي؟ ددوي دا شعارونه اونارې سورې ددې لپاره دی چې خپل تاريخی افغان دښمنه بادارته ووايي دادی تاسو یې گوری چې موږڅومره منډي اوترړي وهو،ترڅو له هغوينه ډالر ترلاسه کړی اودويته منلی پاته وي.

دازموږدپخوانی شل کلن ددولتي مشرتابه بېغوری اوجفاده چې ددغو مخه يې پرخپل وخت ونه نيول کوم چې عملا يې دقانون ، ملی افتخاراتواوگټوپرخلاف یې دملی دښمنيو اوبي اتفاقيوته لمن وهل . ماته لمر غوندي روښانه ده چې دويته دهيواددنوم مسله مطرح نده، دويته دنده سپارل سوې چې په همدې نوم ،بهانه اوشعار دملت په منځ کې دښمنيو اوملي اختلاف زېږ ولوته لمن ووهی .

لطيف پدران او انډيوالانو اوملاتړو منډي تر ړي اودروغجن تبلېغات خو تاسو دسرپه سترگو وليدل اوگوری؟همدلته بايد وليکم چې دنيکه مرغه داپېژندل سوي نوکران په هيڅ قوم اوټبرکي ځاي نلري اودنفرت په سترگه ورته گوری.

خبره څه ده؟يو وخت یې دا ډهل ډنگاوه اوتبليغات یې کول چې په تذکره کي ترملت لاندي بايدافغان ونه وليکل سي سره لیدې چې دانوکران اوشمالی ټلوا له پدې ښه پوهېدل چې په ټوله نړی کي دا معمول دی.داټول چې دايران او پاکستان په خاوره کې دهغوي داستخباراتی ادارو لخوادافغان ولس سره د دښمنۍ په موخه راتنظيم سول ددې نوکرانو په هغه سند کي چې ايراني اخوندانواويا پاکستاني مېجرانو ورکړی ووڅه ليکل سوی وه ؟

دلوي احمدشاه بابانه راپدېخوا بيا ترنن پوري داهيوادپه رسمی بڼه په همدې نامه يادېږي اوپه ټولو دولتي اورسمی اسنادو او اساسی قوانينوکي هم دا هيواددافغانستان او اوسېدونکي یې دافغان په نوم نومول سوی دی،هغه تاريخي پس منظر خو یې پرخپل ځاي پرېږده ځکه دويته هم معلوم دي . دامنو اوپرې وياړ وچې دافغانستان په همدې جغرافيايي حدودوکي دافغان ترملی هويت لاندي په لسگونه ورونه قومونه اوطايفې اوسېږي.داهيوادموږ دټولوگډکور بولو،دهيڅ واړه قوم پر تاريخ چي تردې ځايه څنگه رارسېدلی دی دملی وحدت دساتلو اوهغويته ددرناوی په موخه بحث نه کوو،کنه داپوښتنه کېداي سي يو وخت یې يوڅوک راوړاندي اوپرې تاريخي بحث وکړي .که دنړی تاريخي جغرافې ته نظر واچوونوهره سيمه يو وخت په يوه او بل وخت په بل نوم ياده سوېده.خودا ددې معنا نلری چې دهيوادنوم دې ترهغه وروسته چي دهغه هيوادپه اساسی قانون کي تسجيل سوی اوپه سلگونوکلونه په همدې نوم يادسوی دی تغير ومومی .

حيرانونکې داده چې اوس بيادادرې کاله چې چې پرافغانستان دجوبايډن ډالی اوپه پاکستان کي روزل سوی حاکمانو له ناوړه کړنونه دپښتنو پرخلاف استفا ده کوی اوداښاغلی دپښتنواستازی اومدافعين بولی چې داسي نده.

بشر په تاريخ کي دولتی اداره ديوه هيواد ديوه قوم استازيتوب نسی کولاي اونه هم ددولتي ادارې دناروا کړنونه په استفاده يوقوم رټل کېږي.ځکه خو دادی ورته گورو دڅوپردو پرستونوکرانو لخوا لکه لطيف پدرام اويوشمېرنورو بيا دفدراليزم دجوړېدو اوخراسان ډهل ډنگوي اويوپه بل پسې ډلی اوسازما نونه جوړوی ترڅوددوي په غوښتنه دهيوادنوم او تشکيل بدل سي .

له دوينه پوښتنه داده ؟ ولې تاسو دافغانستان له نامه سره حساسيت لری ؟

اوتاسوڅوک ياست؟ چې پدې ډول سپين سترگی بيا راوړاندي سی؟

اياتاسودهغه قوم دعام ولس لپاره دمنلو وړياست کوم چې تاسو یې دخپل پلارنی ټاټوبی نه په يوه اوبل نوم جلاکوی؟

له پښتنواوټولوملی وحدت پلوو قلموالونه په ځانگړې توگه په ډله ايزو رسنيو کي له بحث کونکونه موجدي غوښتنه داده چې نه وارخطاسی اونه بې ځايه احساساتي سي،ددوي نارواکړنواوتبليغاتوته بايدقاطع اوعلمی جواب وويل سی.ددې وطن نوم افغانستان دی چې اوسېدونکی یې دافغان په نوم يادېږې

دملی وحدت او واحدافغانستان مخالفين دي ځانته ځاي اوددوي دخوښي هو يت ولټوي،دغه چې اوس یې ساتی هلته دې اوسېږې.

زه اوس پردې خبری نکوم چه هر پښتون تعليم لرونکي او روښنفکر مکمل په دری يافارسی هم لیکنه کوي اوهم خبري کوي.پداسی حال کي چه پدرام اودده دګوتو په شمیر پلويان تراوسه يوجمله په پښتوژبه نه ويلې اونه يي په پښتو يوه جمله ليکلې ده.نوزه پدرام اوپلويانونه داپوښتنه کوم چه له تعصب ډک انسانان تاسي ياست او که پښتانه روښنفکران؟

زه دپدرام په پلويانوغږ کوم چه ستاسې کوږ بارتر منزله نه رسيږی،ځان هسی مه ستړي کوی.ځان په لوی افغانستان او ستر افغان ملت کي حساب کړی او دافغانانو دبی اتفاقی په ځاي دافغانانوملی يووالی دپياوړتيا دپاره کار وکړی.

ماته دافغانستان ټول اوسيدونکي قومونه دقدر او احترام وړاوموږيودبل سره وروڼه يوو.

يو مښتو متل دی وايي : ((اوبه په ډانګ نه بیلیږې.))افغانستان به تل موجود وي اوهيڅ څوک یی په خپلو ناوړه تبلیغاتو نشی تجزیه کولای،دافغانستان ټول ميلتونه اوقومونه ددې هيواد يو بدن غړي دي .

چې دادنيا کن په يکن سی،ددې هيوادنوم به افغانستان وی بدلول یې لامحال دی .

پدې یې رالنډوم : څوچې دا ځمکه اسمان وي / تل به دا افغانستان وي

زنده باد افغانستان عزیز و دوست داشتنی ما

يوه اړينه يادونه : د ((فدراليزم وعواقب آن درافغانستان)) ترنامه لاندي دغښتلی ليکوال محترم عبدالحيميد مبارز لخوا ليکل سوی اوپه ۱۹۹۸ ز کال چاپ سوی . دا کتاب دې دوستان ولولی هغه په تفصيل دفراليزم اوفدرالی سيستم دولتي تشکيل په اړوندپه مفصله توگه معلومات راټول کړی اوپدې کتاب کي یې نشر کړی د ی .

فدرالیزم-و-عواقب-آن-در-افغانستان-مبارز.pdf پدغه ادرس یې په انترنت کي دوستان لوستلاي سي ،هلته د پ ډ اف په بڼه پروت دی .