د لوگر د جګړيز ډګر وتلی او وياړمن څلۍ هم د غليم د غشي ښکار شو

هغه ځلانده څيره چې په کتو ئې د مقدس جهاد هر لاروۍ د خيال او تصور په نړۍ کې د اسلامي او شرعي حکومت د راوستو او جوړيدو د هيلو او اميدونو د پوره کيدو تر بريده رساوو.
هغه خوږه او په زړه پورې څيره چې پاکي عقيدې، اخلاص، صداقت، ميړانې په کتونکي او ليدونکي د زړه ترتله اغيز کوله.
هغه چې امين، متين، مطيع، وفادار، قانع، شاکر، زړه ور، رښتونۍ، د لالچ او ځان غوښتنې نه پاک سپيڅلی، د خپل هيواد ګټو ته ژمن، په مجاهدينو مهربان او زړه سواند، د دنياوي ښکلاوو بې پروا او د مشرانو درناوی او اطاعت ئې د ځان وجيبه بلله، د اوږدې مبارزې، ستونزو ګاللو ته چمتو، د ستړيا نه بې احساسه، د مروت او مردانګۍ نمونه او بيلګه دغه د ستاينې وړ شخصيت شهیدملاقند چی مشهور په عبدالرحمن د لوګر ولايت د مرکز د پادخواب شانی مربوط د جهاد پالونکي سيمې اوسيدونکی وه .

 د امريکا او ناټو خلاف ئې په روان مقدس جهاد کې د يو حقيقي مجاهد او اتل په صفت د ژوند تر وروستۍ سلګۍ پورې په پوره اخلاص، صداقت، ايمانداري او ميړانه خپل مسئوليت ترسره کړ، په ډيرو جګړيز ډګرونو کې يې د قاطع او غوڅ رول په خپلولو بې شميره صليبي يرغلګر او د کاپيټاليزم ګټو ته ژمن چوپړماران په ابدي مرګ د تل لپاره ورک کړل.