نجیب الله پیمان: 2015-06-05

د روان کال د جوزا د میاشتې په 15 نیټه د لوګر ولایت د عبدالرحیمزیو ځوانانو ټولنې او شورا د یوې غونډې په ترڅ کې خپل موجودیت اعلان کړ.
په هغه غونډه کې چې د جمعې په ورځ د اینجینر احمد ویس عبدالرحیمزي په کور کې جوړه شوې وه د لوګر ولایت د عبدالرحیمزیو ځوانانو لاندې دوه موضوعګانې تر بحث لاندې ونیول شوې:
۱: په کابل ولایت کې د عبدالرحیمزیو ځوانانو سرتاسري شورا ته د پنځو تنو تکړه او استعداده ځوانانو ور پېژندل ؛ 
۲: په لوګر ولایت کې د عبدالرحیمزیو ځوانانو د شورا را منځته کول او د اداري هیئت ټاکل.

د پروګرام په پیل کې د اجنډا سره سم دقران کریم څو مبارک ایتونه د ملک سرکار له خوا تلاوت شول وروسته محترم احمد ویس عبدالرحیمزي میلمنو ته ښه راغلاست او د غونډې اجنډا واوروله او د محترم ډاکتر صاحب عجب ګل نیاز عبدالرحیمزی څخه یی هیله وکړه چی د اجندا سره سم خبل نظریات راغلو د غونډی ګدونوالوسره شریک کړی چی محترم داکتر صاحب نیاز عبدالرحیمزی محترمو ګدونوالوته د تولنی د جوریدو د اهمیت، موخو او څرنګوالی به اړوند هر اړخیز معلومات ورکړل او غونډې ته له پروګرام سره سم د لوګر ولایت د عبدالرحیمزیو د قوم د میشته کلیو په استازیتوب له هر کلي څخه یو یا څو تنه ځوانان را بلل شوي و، چی په پورتنیو موضوعاتو باندې هر یوه خپل نظرونه وړاندې کړل.

    د نظرونو تر اوریدو وروسته د رایو په اکثریت پریکړه وشوه چې لومړی د لوګر ولایت دعبدالرحیمزیو ځوانانو شورا جوړه او تر هغه وروسته دې د یادې شورا لپاره د رهبري غړي وټاکل شي.
په دوهم قدم کې دې د کابل ولایت د عبدالرحیمزیو ځوانانو د سرتاسري شورا دپاره هم پنځه تنه تکړه با استعداده او وړ کسان وټاکل شي څو په یادې شورا کې د لوګر ولایت د عبدالرحیمزیو ځوانانو استازیتوب وکړی شي.
همدا راز یادونه وشوه چې، هغه کسان چې د لوګر ولایت د رهبري د شورا دپاره ټاکل کېږي نشي کولی د کابل شورا ته هم وټاکل شي، چې په نتیجه کې د رایو په اکثریت د لوګر ولایت لپاره لاندې کسان د رهبري هیئت په توګه وټاکل شول.

۱ نجیب الله پیمان , ریس - نظرخیل کلی 
2 عزیزالرحمن , لومړی مرستیال - دوران خیل کلی
3 عاشق الله , دوهم مرستیال - کنج ګمران کلی
4 وحید الله , منشی - تنګی ابراهیم خیل کلی
5 محمد ثواب کامران ,مدیر عمومی - کمال خیل کلی 
6 سلطان محمود , ویاند - ګمران کلی

همدا راز یادو ځوانانو د کابل ولایت د عبدالرحیمزیو ځوانانو د سرتاسري شورا د پاره د وړتیاو او ښه استعداد په پام کې نیولو سره لاندې کسان د رایو په اکثریت سره غوره او یادې شورا ور وپېژندل، باید یادونه وکړم چې پورتني کسان د دواړو شوراګانو دپاره د موقت دپاره ټاکل شوي دي نه دایمي.

1 نصرت الله وفا , ریس - تنګی سفید سنګ 
2 بریالی نایاب , لومړی مرستیال - نظر خیل 
3 ډاکټر محمد ناصر , دوهم مرستیال - کمال خیل
4 نظیف الله , منشی - رسول خیل 
5 اینجینر احمد ویس , ویاند - ګمران 
6 زمری الهام , مدیر عمومی - غندی

همدا راز د غونډې په پای کې پریکړه وشوه چې پورتنې شپږ تنه چې د کابل د عبدالرحیمزیو ځوانانو سرتاسري ټولنې ته ور وپېژندل شول وخت په وخت له یادې شورا سره ناستې تر سره کوي او د هغوی د پریکړو او غونډو په اړه چې د قوم د پرمختګ او بریا په اړه تر سره کېږي د لوګر شورا ته خپل راپور ورکوي او وخت په وخت به غونډې جوړوي څو وکولی شي د قوم او ولس د پرمختګ سبب شي.
بل پلو پریکړه وشوه چې تر دې وروسته به غونډې په دوراني ډول ترسره کېږي او د ځای او وخت په اړه به يې حالاتو ته په کتو سره پریکړه کېږي.

د یادونې وړ ده چې د یادې پروسې په سرته رسولو کې دریواړه محترمینو ډاکتر صاحب عجب ګل نیاز ، اینجینر احمد ویس او نصرت الله وفا د زړه له کومې هلې ځلې او نه ستړي کیدونکې هڅې کړي چې مننه او کور وداني ورته وایو.

په درنښت
 نجیب الله پیمان