پل علم، د لوګر د پوهنې ریاست د مطبوعاتو دفتر، سه شنبې، عقرب ۲۰مه

د لوګر د مرکز او ولسوالیو په لومړنیو ښوونځیو کې د لومړنۍ دورې له زده کوونکو د کلنۍ ازموینې د اخیستلو بهیر پیل شو. دغه ازموینه د پوهنې وزارت د عمومي زده کړو معینیت د پریکړې سره سم نن پیل او د همدې میاشتې ترپایه به دوام ومومي.

د پوهنې وزارت د پریکړې له مخې، چې د منځنۍ او ثانوي دورې له زده کوونکو به دغه ازموینه د قوس د میاشتې په لومړۍ نیټه پیل او د دغې میاشتې ترپنځلسمې نیټې پورې به دوام وکړي.
اوس مهال په لوګر کې ۲۶۶ فعال ښوونځي شتون لري او نږدې ۱۵۰ زره زده کوونکي پکې پرزده کړو بوخت دي.

 د دغو ښوونځیو له جملې ۱۲۲ لومړني ، ۷۴ منځني او پاتې ۷۰ نوریې لیسې دي، چې په دغو کې د نجونو ۳۵ لومړني ، ۱۷ منځني او ۲۴ لیسې دي.
د لوګرد پوهنې رئیس ښاغلي انجینر محمد اکبر̓ستانکزي̔ د ښوونیزې څارنې او ارزونې ټول کارکوونکي پر ښوونځیو مؤظف کړي دي ترڅو د ازموینې د اخیستلو له پروسې بشپړ څارنه وکړي. 
د لوګرد پوهنې ریاست له خپلو ټولو زده کوونکو غوښتنه کوي، چې خپل درسونه تکرارکړي او د ازموینې لپاره پوره چمتوالی ونیسي.