د لوګر په یوه لېسه کې لسګونه نیالګي کېنول شول
پل علم
د خپرونو او اطلاع رسولو مدیریت
شنبه، رمضان المبارک ۶ مه، کب ۲۶ مه
د لوګر ولایت د محمدآغې ولسوالۍ د کتب خیلو د هلکانو په لېسه کې د ناجو او انځر ۹۰ نیالګي کېنول شول.
کېنول شوي نیالګي د پوهنې یوه مینه وال حیات الله احمدزي مرسته کړې وه چې شاوخوا ۱۸ زره افغانۍ ارزښت لري.
یاد کس کېنول شویو نیالګیو ته د اوبو ورکولو او سولري برېښنا فعالولو لپاره د ۳۲ زره افغانیو نغدي مرستې اعلان هم کړی دی.
د یادولو ده چې تر دې مخکې هم د پوهنې مینه والو په لګښت د یادې لېسې د ودانیو او اړینو ملحقاتو د رنګولو چارې رسماً پیل شوي دي.