د لوګر په ښوونځیو کې زده کوونکو ته د درسي کتابونو د ورکولو لړۍ پیل شوه.

پل علم
د لوګر د پوهنې ریاست د ویاند دفتر
شنبې، شوال ۱۶ مه، ثور ۱۶ مه

د لوګر ولایت د مرکز او ولسوالیو په شته ۲۷۵ ښوونځیو کې زرګونو زده کوونکو ته د درسي کتابونو د ورکولو پروسه پیل شوه.

یاده پروسه د پوهنې وزارت او د پوهنې ریاست د مسوولینو د لارښوونې له مخې پیل شوه، چې شاوخوا یوه اوونۍ به دوام ولري.

د پوهنې وزارت د لوګر د پوهنې ریاست ته ۲ لکه ، ۳ زره او ۸۱۹ ټوکه درسي کتابونه ورکړي، چې دغه ټول کتابونه ښوونځیو ته لېږدول شوي دي.

په نوموړو کتابونو کې له لومړي ټولګي تر یوولسم ټولګي په پښتو او دري ژبو کتابونه شامل دي،چې د يوه ځانګړي طرزالعمل له مخې به پر زده‌کوونکو ووېشل شي.

د لوګر د پوهنې رئیس ښاغلی مولوي جنت ګل عزیز د یادې پروسې پر پیل خوښي څرګندوي او له زده کوونکو څخه د کتابونو ساتلو غوښتنه کوي.