په لوګر کې د شهید الحاج غلام نبي سمسور لېسې ودانۍ ورغول شوه.
پل علم
د لوګر د پوهنې ریاست د ویاند دفتر
سې شنبې، شوال ۵ مه، ثور ۵ مه
د لوګر ولایت په مرکز پل علم پورې اړوند د شهید الحاج غلام نبي سمسور د هلکانو لېسې ودانۍ بېرته ورغول شوه.
د دغې لېسې ودانۍ د پوهنې ریاست د انجینرۍ مدیریت په همغږۍ د آی. آر. سي موسسې په مالي لګښت رغول شوې ده.
د بیا رغونې په دې چاره کې د ښوونځي ودانۍ ټولو برخو ته نوی رنګ ورکړل شوی او هم ټولې تخریب شوې برخې یې پلاستر او بېرته رغول شوې دي.
د نوموړي ښوونځي ودانۍ په بیا رغونې سره له زرو ډېرو زده کوونکو ته د زده کړې غوره چاپېریال برابر شو.
په لوګر ولایت کې دا مهال د یادې مرستندویه موسسې په مالي لګښت د ۳۱ نورو ښوونځیو د ترمیمولو چارې روانې دي.