د لوګر د ازرې ولسوالۍ ۸۰ تنو ښوونکو ته روزنیز ورکشاپ پیل شو.
پل علم
د لوګر د پوهنې ریاست د ویاند دفتر
سې شنبې، شعبان المعظم ٢١مه، کب ٢٣ مه
د لوګر ولایت د ازرې ولسوالۍ د ۱۷ ښوونځیو ۸۰ تنو ښوونکو ته د پوهې د سطحې د لوړولو لس ورځنۍ روزنیز ورکشاپ پیل شو.
یاد ورکشاپ د پوهنې ریاست د ساینس او ښوونیزې ټکنالوژۍ مرکز جوړ کړی، چې موخه یې د ښوونځیو د تدریس کیفیت او هم د ښوونکو د پوهې د سطحې لوړول دي.
په دې لس ورځنيو مسلکي زده کړو کې به نوموړو ښوونکو ته د کیمیا، بیولوژي، فریک، ساینس او ریاضي مضمونونو د تدریس او لابراتواري تجربو اړوند روزنه ورکړل شي.
د یادونې وړده، چې له دې مخکې هم د لوګر د مرکز پل علم اړوند د ۵۷ ښوونځیو ۱۱۷ تنو ښوونکو ته د ساینسي او ریاضي مضمونونو د تدریس او تجربو اړوند روزنه ورکړل شوې ده.