اسلاماباد د ډیورنډ کرښې په تړاو د اوسني افغان حکومت له پرېکنده او خپلواک دریځ څخه سخت په اندېښنه کې دی
تازه موندنې ښيي چې اسلاماباد د ډیورنډ کرښې په تړاو د اوسني افغان حکومت له پرېکنده او خپلواک دریځ څخه سخت په اندېښنه کې دی. پاکستاني چارواکي اوسنی وضعیت په دقت څاري او د کابل په سیاسي او امنیتي پرېکړو کې بشپړه خپلواکي ورته د زغم وړ نه ښکاري.
ولې پاکستان وېرېږي؟
د راپورونو له مخې، د افغانستان حرکت د ځان بسیاینې، د نظامي ځواک پیاوړتیا او د یو خپلواک بهرني سیاست لور ته، د اسلاماباد خوبونه تښتولي دي. دوی احساسوي چې افغانستان نور په سیمهییزو ستراتیژیکو اړیکو کې خپل لوری بدل کړی دی.
د راتلونکو ۱۰ کلونو وړاندوینه:
پاکستاني شنونکي اټکل کوي چې که دا وضعیت دوام وکړي، افغانستان به په راتلونکې یوه لسیزه کې د سیمې په داسې یو ځواک بدل شي چې د لویو سرحدي او سیاسي مسایلو د حل لپاره به جدي غوښتنې مطرح کړي.
پټه جګړه او د نفوذي څېرو کارول:
ځینې باوري سرچینې وايي چې پاکستان د دې وضعیت د مهارولو لپاره خپله "پټه جګړه" پیل کړې ده. داسې ښکاري چې اسلاماباد غواړي د تېرې ادارې له ځینو پخوانیو چارواکو (لکه محمد محقق او نورو) څخه د فشار د وسیلې په توګه کار واخلي، ترڅو دا حساسه مسئله د پاکستان په ګټه وڅرخوي او په افغانانو کې بې باوري رامنځته کړي.
دا تحرکات ښيي چې کابل د خپل ملي حاکمیت په ساتلو کې تر کومه بریالی دی چې ګاونډیان یې تر دې کچې غبرګون ته اړ کړي دي.
#افغانستان #پاکستان #ډیورنډ_کرښه #کابل_ټایمز #سیاسي_تحلیل #ځان_بسیاینه #سیمهییز_امنیت #خپلواکي