د پاکستان د پوځ ستره تسلیمی

د نړۍ په تاریخ کې تر ټولو لنډه جګړه او تر ټولو ستره تسلیمي!

د تاریخ یو پاڼه

د هند او پاکستان جګړه د ۱۹۷۱ کال د ډسمبر په ۳ مه نېټه د پاکستان له خوا پر هند له برید سره پیل شوه او د ۱۹۷۱ کال د دسمبر په ۱۶ نېټه د پاکستان د ۹۳ زره وسله والو ځواکونو له پریکنده ماتې او د پاکستاني جنرال په تاریخي او شرمناکه تسلیمېدو سره پای ته ورسېده.

دا جګړه چې یوازې دیارلس ورځې یې دوام وکړ، د تاریخ تر ټولو لنډه جګړه بلل کېږي او پاکستان له دویمې نړیوالې جګړې وروسته د نړۍ په تاریخ کې تر ټولو د تسلیمۍ ریکارډ جوړ کړ.

پاکستان پر هند باندې د پاکستاني هوايي ځواک له برید سره د «چنګیز خان د مخکېني هوايي بریدونو» تر نامه لاندې جګړه پیل کړه، چې د بنګال د ازادۍ په جګړه کې د هند پوځ د بنګال (هغه مهال ختیځ پاکستان) د ملتپالو په څنګ کې و.

د پاکستاني پوځیانو د تسلیمۍ مراسم د ۱۹۷۱ کال د ډسمبر په ۱۶ ترسره شول او د پاکستان درې ستوري جنرال "جنرال نیازي" (امیر عبدالله خان نیازي) له ۹۳ زره وسله والو پاکستاني پوځیانو سره هندي جنرال "جګجیت سینګ ارورا" ته تسلیم شو. په دې سند کې د اوسني ختیځ پاکستان یا بنګله دیش د ټولو پاکستاني ځمکنیو ځواکونو، هوایي ځواکونو، سمندري ځواکونو او ملیشو غیر مشروط تسلیمول شامل وو.

جنرال یحیی خان د پاکستان پوځي واکمن و او په دې جګړه کې هندي ځواکونه د بنګله دېش د ازادۍ غوښتونکو په څنګ کې د پاکستان پر ضد جنګېدل، چې د دې خاورې له ازادۍ وروسته شیخ مجیب الرحمن د خپلواک هېواد لومړنی ولسمشر او بنسټګر شو. بنګله دیش.

د خپلواکۍ جګړه یا د بنګله دیش د آزادۍ جګړه (د مارچ له 26، 1971 څخه د دسمبر 16، 1971) یو انقلاب او وسله واله جګړه وه چې په 1971 کې په بنګال کې د ملتپالنې غورځنګ او خود ارادیت له راڅرګندیدو سره رامینځته شوه (هغه وخت د ختیځ پاکستان په نوم پیژندل شوی) .

د پاکستان د تسلیمۍ سند د ۱۹۷۱ کال د ډسمبر په ۱۶ د پاکستان د ۹۳۰۰۰ وسله والو ځواکونو سره د جنرال نیازي د غیر مشروطه تسلیمۍ په اړه لیکلی تړون و.

د ډسمبر ۱۶ یا د پاکستان د تسلیمۍ ورځ هر کال د بنګله دېش په خپلواک هېواد کې د بري د ورځې او ملي جشن په نوم لمانځل کېږي او د هند په پوځي کالیزه کې دغه ورځ د «وجي دیواس» په نوم لمانځل کېږي.

د استعمار زوی علی جناح د انګریزانو په امر د لوی هیواد هند د نسکوریدو لپاره زمینه برابره کړه او د هند پراخه او خوابدی خاوره په هند – ختیځ پاکستان (د نننی بنګله دیش) او لویدیځ پاکستان سره وویشل شوه. (د نن ورځې پاکستان). په دې کار سره جناح د هند د برصغیر د مسلمانانو د بدبختۍ او ویشلو زمینه برابره کړه.

نن ورځ په دې دریو هیوادونو کې شاوخوا 600 ملیونه مسلمانان ژوند کوي او دا به څومره لوی امکان وي که دوی په خپل ګډ کور کې د خپلو همسایه هنديانو سره یو ځای باعزته ژوند وکړي.

هغه د ازادۍ شاهد دی، چې غصه نه وي، ستا مینه څه ده، هغه غلام نه دی، ته تسلیم نه یې.

ملتونه د ازادۍ شاهدان دي، چې خپل یووالی ساتي او هیڅ دښمن ته تسلیم نه شي.

ناصر اوریا * د جولای ۲۷، ۲۰۲۱ – ټیکساس ناصر اوریا. مننه. ژباړه په پښتو. شمس عزيزى

زړګی کندهاری