څرخ ولسوالۍ له وارداتي برېښنا سره نښلول کیږي
د لوګر ولایت مقام څخه په خپره شوې خبر پاڼه کې ویل شوي چې ، څرخ ولسوالۍ ته د څه باندې ۲۹ میلیونه افغانیو په لګښت د برېښنا رسونې پروژې چارې پیل شوي.
دغه پروژه د کورنیو چارو وزارت اړوند تامیناتي معینیت په مالي ملاتړ پلي کېږي، چې په لومړي پړاو کې به د څرخ ولسوالۍ ملکي او نظامي ادارې له برېښنا څخه برخمنې شي او ورپسې به د سیمې اوسېدونکو ته برېښنا ورکړل شي.