کله چي د هېلن په نوم زړه ښځه محکمې ته ننوتله، ټول حاضرین چوپ سول
هغې ۹۱ کاله عمر درلود، کمزورې وه او د روغتون کالي یې اغوستي وه، لاسونه یې تړل سوي وه او لړزېدل.
قاضي د هغې دوسیه وکتل او په دوسیه کي لیکلي وه: "درمـــــــــل غــــــــــــلا کـــــــول."
بیا یې هېلن ته وکتل او د هغې په لیدو یي زړه نرم سو.
هېلن او د هغې مېړه جورج ۶۵ کاله یو ځای ژوند کړی وو. هېلن هر سهار د مېړه د زړه د ناروغۍ ۱۲ ګولۍ ورته تیارولې چي ناروغي یې کنټرول کړي.
خو یو ځل یې د بیمې پیسې په وخت ورنه کړې؛ نو د دوا بیه له ۵۰ ډالرو څخه ۹۴۰ ډالرو ته لوړه سوه.
هېلن نه سوه کولای دونده پیسې ورکړي، نو دوا یې وانخیسته او کور ته ولاړه.
په کور کی یي د مېړه حالت خراب سو:
سخت ساه اخیستل، کمزوري او د ژوند ورو ورو ختمېدل.
درې ورځې یې د مېړه درد او تکلیف په خپلو سترګو ولید او ناتوانه سوه.
آخیر مجبور سوه بیرته درملتون ته ولاړه.
هلته چي د درملتون څښتن شا کړه، هېلن دوا په خپل بکس کي واچوله. خو دوکان د غلا زنګ ووهه او پولیس راغلل.
د پولیسو په لیدو، هېلن دومره یو بد حالت ته ولاړه چي حتی پولیسو روغتون ته انتقال کړه.
اوس نو هماغه د روغتون کالي یي اغوستي، محکمې ته ولاړه ده.
هېلن وویل:
«هیڅ مي فکر نه کاوه چي داسي ورځ به راسي، قاضی صاحب.»
قاضي ډېر وخت چوپ وو.
بیا یې وویل:
«د دې لاسونه خلاص کړئ.»
ځنځیر یې خلاص کړل.
قاضي څارنوال ته وویل:
«په دې کار تاسو د غلا لوی جرم جوړ کړي؟»
هېلن په ژړا سوه:
«مېړه مې ساه نه سوه اخیستلای…. ما بله لاره نه لرل.»
قاضي وویل:
«دا ښځه مجرمه نه ده. دا زموږ د نظام او زموږ غلطي ده.»
قاضي ټول تورونه سمدستي ختم کړل.
او ویې ویل:
«ددې د روغتون پیسې به نه اخیستل کېږي، او د مېړه دوا دې نن ورته ورکړل سي.»
ډاکټران او ټولنیز کارکوونکي یې د هغوی کور ته واستول.
وروسته له قاضي وپوښتل سول:
«ولې مو ژر پرېکړه وکړه؟»
ده وویل:
«عدالت یوازي د قانون تطبیق نه دی، عدالت انسانیت دی.
دې ښځې غلا نه ده کړې، بلکي د خپل مېړه د ژوند لپاره یې هڅه کړې ده او مینه او ژوند ژغورل هیڅکله جرم نه دی.»
#PH.
کاپی