د لوګر یوه ښوونځي ته د لمریزې برېښنا په مټ د اوبو ایستلو سیستم فعال شو.

پل علم
د لوګر د پوهنې ریاست د ویاند دفتر
سې شنبې، شوال ۵ مه، ثور ۵ مه

د لوګر د برکي برک ولسوالۍ د رستم خیلو د هلکانو لېسې ته د لمریزې برېښنا پر مټ له څاه څخه د اوبو ایستلو سیستم فعال شو.

یاد سیستم د پوهنې له آمریت سره په همغږۍ د ښوونځي ادارې په هلو ځلو د زده کوونکو د والدینو په مالي مرسته فعال شوی دی.

فعال شوی سیستم دوه سولرونه، د اوبو آببازک، پیپ او ځینې نور اړین وسایل لري، چې د یو اېنچ په اندازه اوبه باسي.

د یادونې وړده، چې له دې مخکې هم د لوګر په ډېرو ښوونځیو کې د مرستندویه موسسو، خیریه بنسټونو ،عامو خلکو او د زده کوونکو د والدینو له خوا ورته سیستمونه جوړ شوي دي.