جمهوريت که سهامي شرکت !؟

Dawood Amins

۱. د عطاء محمد نور اؤ اشرف غني له درې مياشتې جنجال وروسته د عطاء محمد نور سره د شوې هوکړې له مخې د بلخ ولايت اسحق رهګذر ، د پوهنې وزارت ميرويس بلخي، پېښو ته د رسېدو وزارت نجيب اقا فهيم اؤ د عامې روغتيا وزارت احمد جواد عثماني اؤ همدارنګه يو سفارت اؤ ددې تر څنګ د سلاکارۍ سترې شورا جوړول اؤ په بلخ کې څو نورې حکومتي چوکۍ عطاء محمد نور ته په عذر اؤ زارۍ په داسې حالت کې ورکړل شوې چې عطاء محمد نور پرې تفاهم هم نه درلوده او د لا زيات امتياز غوښتنه يې کوله.

۲. په ۲۰۱۹ ز کال کې عطاء محمد نور ته د ولسمشر غني لخوا په استثنايي امتیازاتو کې ۱۵۰ کسه ساتونکي او ۴۶۰ ميله اسلحه منظور شول. اؤ همدارنګه ويل کېږي چې د بلخ امنيې قوماندانۍ اؤ د حيرتانو بندر هم د نوموړي په اختيار کې ورکړل شو.

۳. د بلخ د ولایتي شورا پخواني غړي اصف مهمند او ځینو نورو محلي سیاسي مخالفینو په کابل او مزار شریف کې په خبري اژانسونو کې تل ادعا کړې وه چې عطا محمد نور په تېرو دوو لسیزو کې د حیرتان بندر د عوایدو، د بیارغونې د پروژو او د دولتي ځمکو د پلور له لارې تر ۳ ملیارده ډالرو په شاوخوا کې شتمني ټوله کړې ده. دا راپورونه سیګار هم خپاره کړي وه چې په مزار شريف کې په ميلياردونو ډالر حيف ميل شوي دي.

۴. د خالد بن ولید ښارګوټی په مزار شریف کې یو له تر ټولو لویو او ګرانبیه ښارګوټو څخه دی. د ولایتي شورا غړو لکه ډاکټر افضل حدید اؤ اصف مهمند تل ادعا کوله چې دا ځمکه دولتي وه خو د عطاء محمد نور تر مدیریت لاندې پر نږدې ۶۷۰۰ جلا جلا نومرو ووېشل شوه او وپلورل شوه.

۵. په ۲۰۱۴ ز کال کې په ټولنيزو رسنیو کې داسې راپورونه خپاره شول چې د مزار شریف په ښار کې عطا محمد نور له ۵۰۰ څخه د زیاتو لوکسو شاپینګ مالونو، تجارتي مارکېټونو، پمپ سټیشنونو او ودانیو مالک دی.

۶. د عطا محمد نور په اړه ويل کېږي چې هغه په ترکیه اؤ دوبۍ کې د لوکسو جایدادونو خاوند دی.

۷. په ۲۰۲۳ ز کال کې د ایټالیا د ملي ټلویزیون TG1 په یو جنجالي راپور کې ادعا وشوه چې د کابل له سقوط وړاندې قطر د افغان چارواکو بهرنیو مالي حسابونو ته د جګړې د درولو په بدل کې پیسې لېږدولې چې په هغې کې د عطا محمد نور نوم ته د ۶۰ ملیونه ډالرو د انتقال ادعا هم شوې وه که څه هم ځینو افغاني رسنیو لکه هشت صبح وروسته د دغو اسنادو د جعلي توب په اړه هم راپورونه ورکړل.

۸. نيويارک ټايمز عطاء محمد نور د افغانستان يو له شتمنو څېرو څخه بولي.

ماخذونه: دا مالومات موږ د بي بي سي، سلام وطندار. نيويارک ټايمز ، خبر ګذاري صدای افغان. باشګاه خبرنګاران جوان، سيګار او نور.... ويب پاڼو څخه مختصر کړي دي.

نوټ: خو عطاء محمد نور بيا دا ادعاوې د سیاسي توطیو يوه برخه بولي. اؤ وايي چې یوازې د پلار پاتې شوې څو محدود جایدادونه لري او په بانکونو کې له ۵ ملیونه ډالرو څخه زیاتې پيسې نه لري.

دا چې د نوموړي په اړه ستاسو کره مالومات څه دي په اړه يې راسره شریک کړئ.