د ملا جان خاموشه ستراتیژي

لمړی غوړخبرد پاکستان اقتصاد ته د افغانستان د حکومت لخوا لویه ضربه واردول دي

د افغانستان او پاکستان ترمنځ د لارود بندېدا ۳۰۰ ورځې ووتې

تر راپور مخکې زما د حیرانتیا په لامل مو پوه کوم : زه دې حیران کړی یم چې له یوې خوا امریکا د افغانستان ټوله سپمولې سرمایه د تحریمونو له لار ضبط کړه، له بلې خوا ۲۱ کاله جګړه کې بوخت کسانو حکومت داسې حال کې ونیوه چې د فاسد حکومت په لمړیو درې ورځو سقوط کې نیم نفوس سوال کولو ته راووت، ټول اقتصاد مو د پنجاب په کارخانو او فابریکو ولاړ وو او هره ورځ یې د لارو بندولو ګواښونه هم کول، ایران سره هم تاجکو، شیعه او اوبو په سر لوی جنجال کې نښتي وو، تاجکستان هم د تاجکستان کبیر جوړولو خوبونه لیدل خو ملا جان داسې دې شنډ کړل چې زه وورته تر اوسه هک پک حیران یم.

زه دې لمړی په دې حیران کړم چې فلج بانکونه دې فعال کړل، له دې بانکونو د کرزي او غني په ذریعه د امریکا جیب کې تخلیه شوې سرمایه دې بیا په خپل لاس په دومره چټکۍ تر هغې سرمایې ۸۰ ځله په خپل مدیریت زیاته کړه چې انسان یې تصور هم نشي کولای. د افغانۍ په ارزښت ساتلو دې بیا حران کړم، او کله دې چې د پنجاب د فابریکو او کارخانو په ځای هیواد کې په ډېره چټکۍ د هرې اړتیا لپاره لویه فابریکه جوړوله نو د نړۍ اقتصاد پوهان درته ګوته په غاښ وو.

تاجکستان ته ګوش توي ورکول، ازبکستان سره سوداګري پراخول ایران ته قناعت ورکول او د دشمني د یو بل ګټو خوندي کولو ته رایه ورکولو باندې دې د ټولې نړۍ سیاست پوهان ګوته په غاښ کړل ځکه چې ایران داسې خوبونه لیدل چې د شیعه او ژبه په نوم به بې سرپرسته افغانستان نیم تېر کړي او په خپلې خاورې به یې بدل کړي. اوس ته د بریا او پرمختګ د اوج په لور لارې ته رسېدلی یې داسې لارې ته چېرې چې لوی خنډونه نشته او ستا سرعت اوس یوازې زه او ملت او د نړۍ یو څو مسلکي ډلې نه دي حیرانې کړې بلکې ټوله نړۍ یې حیرانه کړې.

ملا جانه دا چې د پاکستان فابریکې دې فلج کړې، لکونه کاریګر دې ورته په کور کینول، د پوځ د لویو کارخانو لکه د سیمنټو، رخت جوړولو، تعمیراتي وسایلو مارکېټ ختمولو باندې دې د پوځ ۵۰ % عاید له منځه ورته یوړ، کرنه دې داسې حالت ته ورته ورسوله چې نور بزګر نه کرنه کوي او نه هم څاروي او د چرګانو فارمونه جوړوي او نه هم د هګیو او کبانو لپاره مارکېټ لري.

ملاجانه تر تا مخکې دلته فاسدو چارواکو دې خلکو ته د افغانانو د وژنې لپاره د پیسو پیدا کولو مارکېټ جوړ کړی وو او په دې مارکېټ کې یې هر کال د ۳ زره میلیونه ډالرو زهر په افغانانو پلورل. ستا فکر دا زهر د افغان له بدنه داسې پاک کړل لکه درمل چې مرګونې ناروغي ووژني.

فعلا د ملاجان د دم له امله د پاکستان غلجات، بوره، درمل، ټول تعمیراتي وسایل، پلاستیک او المونیم په ټوله نړۍ کې خپل مارکېټ له لاسه ورکړی او خلک یې صادراتو ته د زهرو په نظر ګوري.

برعکس افغانستان کې خپلو افغانانو ته د خپل هیواد تازه او وچه مېوه، سبزیجات، مصالحې، سکاره، پنبه، تالک او نور طبیعي محصولات ارزانه شوي.

ملاجانه چین ته ستا ډېر منطقي نږدېوالی او مستقیمه لار ورسره جوړول، روسانو ته د وسلو مارکېټ افغانستان کې ورښودل او هند په خپل صادراتي مارکېټ بدلول بیا نړۍ یوازې حیرانه کړې نه ده بلکې ویرولې یې هم ده.

نړۍ دې فورمولونه په ډېر دقت سره څاري او په دې پوهیږي چې ته افغانستان د تل لپاره د اشغال او جګړې له ډګره د ژغورلو حالت کې یې او ډېر ژر به یې له خیره په امپراتورۍ بدل کړې او له همدې ویره هم لري چې ته به د دوي ځایناستی زبرځواک اوسې هغه هم ډېر لنډ وخت کې.

افغانان نور خپل ځان په خپل خنجر مه وهئ او له خپل نظام سره کلک ودریږئ. لنډمهال سختي دایمي تلپاتې هوساینې ته لار هواروي.