احمد ضيا هم دګلو سوداګري وکړه

خان قره باغي به په تاوده اتڼ کې غاړه تازه کړه او سندره به يې بلې غړانګي ته واړوله

ويل به يې

وه لالی دګلو سوداګر دی

احمد ضيا هم دګلو سوداګري وکړه

احمد شاه او احمد ضيا دواړه دپوليسو دډګروال دوست محمد خان زامن وو

احمد شاه په پنجشير کې وو

او احمد ضيا په پيښور کې

يوه ورځ ناببره اوازه ولګيده چې احمد ضيا درباني زوم شو

څو تنه ياران يې مبارکۍ ته ورغلل

احمد ضيا يوه جګري دوست ته وويل

دختر رباني رابرای امکانات جمعيت ګرفتم

بيا چې استاد رباني دجمعيت دکانتنري حکومت سربراهۍ ته ورسيد

نو احمد ضيا يوه ډله سربکف مجاهدين وګمارل چې په پروان کارته کې دهندوانو مليوني کورونه په نښه کړي تر څو يې دخاک پولي په قيمت ترې واخلي

هماغه وو چې څلور کورونه په نښه شول او هر کور په يونيم لک افغانۍ په زور له هندوانو څخه رانيول شول

هندوانو ته يې اخطار ورکړ که پر قباله ګوتې ونه لګوئ نو وه به وژل شي

او مړ چې خدای شرموي نو دغسل په تغته به يې ډينګ ټيز ووزي

همدغه ضياجان په تلويون کې کښيناست مخلوق ته يې وويل

په کابل کې مې څلور کورونه دي او له هندوانو مې په مفته بيه اخيستي دي

اوس هر کور په لوړه ډالري کرايه راته چليږي او زه منتو او اشک خورم

مخلوقه اوس اوازه ده چې په فرانسه کې يې هوټل اخيستی دی او پنځه شپيته مليونه اروپايی روپۍ يې پې ور ګڼلي دي

دا احمد ضيا به سبا بيا را ځي او وايی به فارسي در خطر است ما افغان نيستم

مرا معاون بسازيد ورنه روايت افغانيت واسلاميت به پايان رسيده است