په محمداغې ولسوالۍ کې د سختو بارانونو او سیلابونو له امله د سیمې اوسېدونکو ته درانه مالي زیانونه اوښتي دي

صفرالمظفر_۸مه_پنج‌ شنبه

د دغې پېښې له رامنځته کېدو سره سم، د لوګر والي الحاج قاري صلاح‌الدین «ایوبي» او مرستیال والي الحاج شیخ انعام‌الله «صلاح‌الدین» په ځانګړې لارښوونه او رهبرۍ، زیانمنو شویو سیمو ته د مرستو رسولو عملیات پیل شوي دي.     

د ۱ ویدیو کتلو لپاره دلته کلیک وکی!

د ۲ ویدیو کتلو أباره دلته کلیک وکی!

تر دې دمه د ولایتي ادارې په هڅو او د لوګر د طبیعي پېښو پر وړاندې د مبارزې رياست، سرې مياشتې ټولنې، عامې روغتیا رياست، زړور امنیتي او دفاعي ځواکونو په مرسته، د محمداغې ولسوالۍ په يوشمېر سيمو کې له سلګونو ځپلو شویو کورنیو سره بېړنۍ مرستې شوي او د ژغورنې ټیمونه سیمو ته استول شوي دي.

د لوګر ولایتي اداره د سیلاب ځپلو لاسنیوی خپل لومړیتوب ګڼي او په همدې موخه له ټولو خیریه بنسټونو، ملي او نړیوالو مرستندویه ادارو څخه په کلکه غوښتنه کوي، چې په دې سختو شرایطو کې د لوګر له متضررینو سره خپلې بېړنۍ او لازمي مرستې زیاتې کړي، ترڅو د خلکو لومړنۍ حیاتي اړتیاوې پوره او د نورو زیانونو مخه ونیول شي.

د دغو سېلابونو د راوتلو له امله «۲۰۰» مسکوني کورونه په بشپړه او جزئي توګه ویجاړ شوي دي.

دغه راز، د ږلۍ او سېلابونو له امله «۷۰۰» جریبه کرنیزه ځمکه هم خرابه شوې او حاصلات یې له منځه تللي دي.

د پېښو پر وړاندې د چمتووالي ریاست له لوري «۶۰۰» تنو ته چمتو شوي خواړه وېشل کیږي او ترڅنګ یې هغو کسانو ته چې کورونه یې ویجاړ شوي، کمپلې، د جامو کڅوړې او روغتیايي «صحي» کېټونه هم وېشل کېږي.

د یادولو وړ ده چې په دې پېښه کې د څښاک د پاکو اوبو یو شمېر ژورې څاه ګانې هم تخریب شوې او سېلاب د دغو څاه ګانو ګڼ شمېر لمریزې برېښنا تختې «سولرونه» هم له ځان سره وړي دي.

بل لور ته، د لوګر د سره میاشتې د رئیس الحاج میر محمدهاشم «حزب‌الله» په لارښوونه، د سره میاشتې ریاست له لوري سیمې ته د لومړنیو مرستو، څېړنې او لومړنۍ سروې ټیمونه استول شوي او ټول سېلاب ځپلي خوندي سیمو ته لېږدول شوي دي.

د‌ لوګر ولایت مقام د مطبوعاتو او عامه اړيکو لوی مديریت