حاجي صدوخان حکیمي له دې فاني نړۍ سترګې پټې کړې

د لوګر یو هسک قومي مشر او د جرګو او مرکو مخکښ حاجي صدوخان حکیمي له دې فاني نړۍ سترګې پټې کړې

ارواښاد حاجي صدوخان حکیمي د خیرخواهۍ، ولسپالنې او د خلکو ترمنځ د سولې، یووالي او روغې جوړې په برخه کې یو دروند شخصیت و. نوموړي خپل ژوند د ولس خدمت، قومي یووالي او د خلکو د ستونزو حل ته وقف کړی و.

الله تعالی دې وبښي جنت الفردوس یې په نصیب کړي، روح یې ښاد او یاد یې تلپاتې وي.

د ارواښاد درنې کورنۍ، خپلوانو، دوستانو او ټولو خواخوږو ته د زړه له کومې ژوره خواخوږي او تسلیت وړاندې کوم. الله تعالی دې ټولو ته د دې ستر غم د زغملو صبر جمیل او اجر عظیم ور په برخه کړي.

د ارواښاد جنازه به سبا چهارشنبه د سهار په ۹:۰۰ بجو د پل‌علم ښار اړوند نوي کلا کې ادا شي او وروسته به خاورو ته وسپارل شي.

إنا لله وإنا إليه راجعون.