میرویس عزیزي یو داسې بې ساري ګام پورته کړی چې

په هیواد کې د بېوزلۍ او د درملنې د لوړو لګښتونو په دې سختو شرایطو کې، د هیواد ملي او زړه سواندي سوداګر، میرویس عزیزي یو داسې بې ساري ګام پورته کړی چې د زرګونو بېوسه ناروغانو او د هغوی د کورنیو اوښکې به په مسکا بدلې کړي. ښاغلي عزیزي اعلان کړی چې په پلازمېنه کابل کې د سرطاني ناروغیو (Cancer) یو داسې لوی او مجهز روغتون جوړوي چې د هیوادوالو درملنه به پکې په بشپړ ډول وړیا ترسره کېږي.

دا روغتون به په نړیوالو معیارونو او عصري طبي وسایلو سمبال وي.

یو افغانۍ لګښت هم نشته: له تشخیص څخه تر عملیاتو او کیموتراپي پورې، ټول خدمات به سل په سلو کې وړیا وي.

بهر ته د تګ پای: د دې روغتون په جوړېدو سره به اړمن افغانان مجبور نه وي چې د درملنې لپاره د کور او جایداد په پلورلو پاکستان، هند یا نورو هیوادونو ته لاړ شي.

دا لویه صدقه جاریه او ملي اقدام د هیواد د بېوزلو خلکو په ژوند کې یو تاریخي بدلون راوستی شي.