د 2015 کال پنځوس اوریزه کرکټ نړیوال جام (ټرافي) نن په ښکلي هرکلي کې افغانستان ته راوړل شوه. ټرافي د افغانستان کرکټ ملی لوبډلې د دوه نامتو کرکټرانو پخواني کپتان نوروز منګل او اوسني کپتان محمد نبي عیسی خیل لخوا پداسی حال کې د کرکټ ملی لوبډلې ، چارواکو او مینه والو په وړاندې راښکاره شوه چې د دواړو لخوا نیول شوې وه.
په ټرافي باندې د افغانستان کرکټ ملي لوبډلې یو شمیر لوبغاړو هم لاسونه ووهل او د دغه جام د ګټلو اراده یی وښوده.
رسنیو سره د خبرو وروسته دغه جام او ورسره دواړه کپتانان د کرکټ بورډ دلوړ پوړو چارواکو په بدرګه ارګ ته یوړل شو.
افغانستان ته د نړیوال جام راتګ د افغانستان د کرکټ په پرمختګ کی څومره رول لوبولې شي.
منبع: ملی هیلی